بۇگىن مەملەكەت باسشىسى قاسىم-جومارت توقاەۆ «تاۋەلسىزدىك ۇرپاقتارى» گرانتىنىڭ جەڭىمپازدارىمەن كەزدەسەدى, دەپ حابارلايدى Egemen.kz پرەزيدەنتتىڭ ءباسپاسوز حاتشىسى بەرىك ءۋالي تاراتقان اقپاراتقا سىلتەمە جاساپ.
«تاۋەلسىزدىك ۇرپاقتارى» گرانتىن بەرۋدەگى ماقسات – بەلسەندى جاستاردىڭ شىعارماشىلىق ورتاسىن قالىپتاستىرۋ جانە ولاردىڭ تىڭ باستامالارىنا مەملەكەتتىك قولداۋ كورسەتۋ.
بايقاۋ تالابىنا سايكەس گرانتقا 14-29 جاس ارالىعىنداعى ۇمىتكەرلەر يە بولدى», دەپ جازىلعان حابارلامادا. ايتا كەتەيىك, گرانتتار جاڭا يدەيالار مەن باستامالاردى ىسكە اسىرۋ ءۇشىن كونكۋرستىق نەگىزدە عىلىم, مادەنيەت, اقپاراتتىق تەحنولوگيالار – جاڭا IT, بيزنەس جانە مەديا باعىتتارى بويىنشا بەرىلەدى.