قازاقستاننىڭ تاۋەلسىزدىك تۇعىرىن بيىك ۇستاپ, كەلەشەككە سەنىمدى قادام باسۋ ءۇشىن ايتىلعان دۇنيە دەپ بىلەمىن.
ءبىرىنشى, تاۋەلسىزدىك كەز كەلگەن ازامات ءۇشىن ەڭ قاستەرلى اقيقات. ەكىنشى, بىرلىك پەن كەلىسىم-ەلدىگىمىزدىڭ مىزعىماس تۇعىرى. ءۇشىنشى, جەر - اتا-بابا مۇراسى, حالىق قازىناسى. ءتورتىنشى, وتباسى مەن سالت-ءداستۇر-قوعامنىڭ التىن دىڭگەگى. بەسىنشى, ۇلتتىق مادەنيەت - حالىقتىڭ رۋحاني تىرەگى. التىنشى, ءبىلىم مەن ەڭبەك - باقۋاتتى ءومىردىڭ كىلتى. جەتىنشى, پراگماتيزم - باسەكەگە قابىلەتتى بولۋدىڭ كەپىلى. مەملەكەتىمىز تاۋەلسىزدىك العانىنا بيىل 30 جىل تولىپ وتىر. بۇگىنگى تاڭدا جاھاندانۋدىڭ تاعى ءبىر جاڭا باسپالداعىنا قادام باسىپ, وتانىمىز ءار سالادا وركەندەۋمەن قاتار حالىقارالىق ارەنادا ويىپ الار ورىنى بار. ەلباسى ايتىپ وتكەن قاستەرلى تاۋەلسىزدىك, ۇلتتىق قۇندىلىقتاردى ساقتاۋ, اتا-بابا مۇراسى جەردى قاسيەتى, وتباسىنىڭ ماڭىزدىلىعى ەلدىگىمىزدىڭ نىشانى دەپ بىلەمىن. ماقالادا ايتىلعان ءاربىر تەڭەۋ, ءاربىر تۇعىر ماڭىزدى, تاۋەلسىزدىك پەن جەر اتا-بابا قازىناسى دەگەن پىكىردى ءتۇسىنۋ, كوڭىلگە توقۋ ءبىز, جاس بۋىن ءۇشىن ومىرلىك كرەدو بولعانى ابزال. كەز كەلگەن ۇلت ءۇشىن جانە ونىڭ دامۋى, تاريح ساحناسىنان جوعالىپ كەتپەسى ءۇشىن ۇلتتىق كود, ۇلتتىق ميسسيا جانە ۇلتتىق يدەولوگيانىڭ ورىنى ەرەكشە. ول دەگەنىمىز ءتىلىمىز, ءدىلىمىز, ۇلتتىق ءداستۇرىمىز, ءدىنىمىزدى ءجىتى ءتۇسىنۋ ءۇشىن وسى ماقالانىڭ بەرەرى وتە كوپ. مەملەكەتىمىزدىڭ بىرلىگى, تاتۋ ءتاتتى ءومىر ءسۇرۋى ەلىمىزدىڭ كەمەل بولاشاعى ءۇشىن وتە ماڭىزدى دەر ەدىم.
قۇراسبەك سادىبەكوۆ,
«بولاشاق» باعدارلاماسىنىڭ تۇلەگى, نازارباەۆ ۋنيۆەرسيتەنىنىڭ ماگيسترانتى