كوروناۆيرۋستىق ينفەكتسيانىڭ جاڭا نۇسقاسى جاسىل قۇرلىققا دا جەتتى. اۆستراليا استاناسى كانبەررادا العاش رەت تولىق ەگىلگەن ادامنان وميكرون شتامى انىقتالدى, دەپ حابارلايدى Egemen.kz.
«وميكرون» ۆيرۋسىنىڭ نۇسقاسى اۆستراليا استاناسى كانبەرراعا جەتتى جانە شەتەلگە ساپار شەكپەگەن, تولىق ۆاكتسيناتسيالانعان ادامنان انىقتالدى. بۇل تۋرالى ABC اقپارات تاراتىپ وتىر. وسى جاعدايعا بايلانىستى 29 قاراشادان باستاپ كانبەررادا بولعان بارلىق ادامدارعا ءتيىستى دەكلاراتسيانى تولتىرىپ, تەست تاپسىرۋ تالاپ ەتىلەدى.
بۇعان دەيىن كورشىلەس جاڭا وڭتۇستىك ۋەلس شتاتىندا وميكرون ينفەكتسياسىنىڭ 13 جاعدايى انىقتالعان بولاتىن.