FightSpace يۋتۋب ارناسى ورتا سالماقتاعى قازاق وعلانى جانىبەك ءالىمحان ۇلى مەن WBO تۇجىرىمى بويىنشا الەم چەمپيونى, امەريكالىق دەمەتريۋس اندرادە اراسىنداعى جەكپە-جەك جاقىن ارادا وتپەيتىنىن جەتكىزدى, دەپ حابارلايدى Egemen.kz.
راسىندا دا بۇكىلالەمدىك بوكس ۇيىمىنىڭ ءوز ەرەجەسى بار. سوعان سايكەس الەم چەمپيونى وزىنە تيەسىلى بەلبەۋدى توعىز ايدا ءبىر مارتە قورعاۋى ءتيىس. يۋتۋب-ارنا دا وسى ماسەلەنى العا تارتقان. جاقىندا عانا رينگكە شىققان امەريكالىقتىڭ ۋاقىتى كوپ ەكەنىن ەسكە سالعان.
ءيا, شىنىندا دا اندرادە مەن ءالىمحان ۇلى اراسىنداعى جەكپە-جەك توعىز اي كۇتكەن تولعاقتاي بولعالى تۇر. دەمەتريۋستىڭ كومانداسى جاقىن كۇندەرى كەلىسسوز جۇرگىزگەنىمەن, شايقاس ۋاقىتىن سوزا تۇسۋگە تىرىساتىنى داۋسىز. سوندىقتان بۇل كەزدەسۋ توعىز اي بەدەرىندە وتسە دە قازاق جانكۇيەرلەرى ءۇشىن ۇلكەن ولجا.