الماتىدا ەكى كولىك جول اپاتىنا ۇشىراپ, سالدارىنان ءتورت ادام, ونىڭ ىشىندە 3 جاسار بالا زارداپ شەكتى, دەپ حابارلايدى Egemen.kz.
گاگارين جانە قۇرمانعازى كوشەلەرىنىڭ قيىلىسىندا ەكى اۆتوكولىك سوقتىعىسقان. Hyundai Elantra گاگارين بويىمەن وڭتۇستىككە قاراي, ال Mercedes GL قۇرمانعازى بويىمەن باتىسقا قاراي ءجۇرىپ كەلگەن.
كۋاگەرلەردىڭ ايتۋىنشا, Mercedes جۇرگىزۋشىسى «جول بەر» بەلگىسىن ەلەمەي, قيىلىسقا كەتكەن. ناتيجەسىندە Hyundai ۇلكەن جىلدامدىقپەن Mercedes كولىگىنە سوعىلعان.
سوعىسۋ كۇشىنىڭ اسەرىنەن Mercedes جولدىڭ قيىلىسىندا تۇرعان Toyota Avensis-كە بارىپ سوققان.