قازاقستان جازۋشىلار وداعى ۇيىمداستىرعان ادەبي جىل قورىتىندىسى اياسىندا حالىقارالىق «الاش» ادەبي سىيلىعى تاپسىرىلدى. پوەزيا جانرى بويىنشا سىيلىقتى «ارمانتاۋ» پوەزيالىق كىتابى ءۇشىن «Egemen Qazaqstan» گازەتىنىڭ باتىس قازاقستان وبلىسى بويىنشا مەنشىكتى ءتىلشىسى قازبەك قۇتتىمۇرات ۇلى يەلەندى.
سونداي-اق اتالعان سىيلىق بالالار ادەبيەتى بويىنشا ءدىلدار مامىرباەۆاعا («بالا. روبوت. ۆيرۋس» اتتى بالالارعا ارنالعان كىتابى ءۇشىن), پەرنەباي دۇيسەنبينگە («جۇمباق جۇلدىز ساۋلەسى», «بال داۋرەننىڭ بۇلتسىز اسپانى» اتتى 2 توم شىعارمالار جيناعى ءۇشىن), پوەزيا جانرى بويىنشا سۆەتقالي نۇرجانعا («جۇلدىزداردىڭ جۇپارى» پوەزيالىق كىتابى ءۇشىن), سابىر ادايعا ء(«نازيرا» پوەزيالىق كىتابى ءۇشىن), قۋات قايرانباەۆقا («كوڭىلدىڭ قوڭىراۋى» پوەزيالىق كىتابى ءۇشىن), پروزا جانرى بويىنشا قۇلتولەۋ مۇقاشقا («سالبۋرىن» پروزالىق كىتابى ءۇشىن), ديدار امانتايعا («بورحەستىڭ كىتابى» شىعارمالار جيناعى ءۇشىن), تۇرسىنحان زەكەن ۇلىنا («اتتيلا» تاريحي رومانى ءۇشىن) تاپسىرىلدى.
سونىمەن قاتار تاۋەلسىزدىكتىڭ 30 جىلدىق مەرەيتويى اياسىندا «تاۋەلسىز ەلدىڭ ءتىلى» تاقىرىبىندا قازاقستان رەسپۋبليكاسى ءبىلىم جانە عىلىم مينيسترلىگىنىڭ ءتىل ساياساتى كوميتەتى ۇيىمداستىرعان «مەملەكەتتىك ءتىل جانە باق» كونكۋرسى مارەسىنە جەتىپ, «ۇزدىك ماقالا» نوميناتسياسى بويىنشا 3-ورىندى «ايقىن» گازەتىنىڭ ءتىلشىسى ابىلايحان جۇماش, 2-ورىندى «Egemen Qazaqstan» گازەتىنىڭ ءجۋرناليسى دۋمان اناش, ال 1-ورىندى «سولتۇستىك قازاقستان» گازەتىنىڭ ءتىلشىسى اقمارال ەسداۋلەتوۆا يەلەندى. ايتا كەتەيىك, «مەملەكەتتىك ءتىل جانە باق» رەسپۋبليكالىق كونكۋرسىنا ءتورت نوميناتسيا بويىنشا 131 جۋرناليستەن 300-گە جۋىق ماتەريال كەلىپ تۇسكەن. باس جۇلدە «تۇركىستان» گازەتىنىڭ ءتىلشىسى ءاليا تىلەۋجانقىزىنا بەرىلدى.