«قازمۇنايگاز» جانە «تاتنەفت» بۋتاديەن كاۋچۋكتەرىن وندىرەتىن بىرلەسكەن كاسىپورىن قۇردى

كاسىپورىننىڭ جوسپارلى قۋاتى – جىلىنا 180 مىڭ تونناعا دەيىنگى بۋتاديەن مەن بۋتا­­ديەن كاۋچۋكتەرىن ءوندىرۋ. قمگ جانە «تاتنەفت» ۇلەستەرى, سايكەسىنشە 25% جانە 75%-دى قۇ­رايدى. الدىن الا ەسەپتەۋ بويىنشا جوبا قۇنى 1 ملرد اقش دوللارىنا جۋىق سوماعا با­عالاندى. تاراپتار جوبانى قارجىلاندىرۋ جول­دارىن, سونىڭ ىشىندە قارىز الۋ ەسەبىنەن قار­جى­لان­دى­رۋ­دى قاراستىرۋدا.

اتالعان كاسىپورىن 2026 جىلى اتىراۋ وب­لىسىنداعى «ۇلتتىق يندۋستريالىق مۇناي-حيميا تەحنوپاركى» ارنايى ەكونوميكالىق ايماق اۋماعىندا ىسكە قوسىلادى دەپ جوسپارلانىپ وتىر. جاڭا ءوندىرىس الاڭىندا قۇرىلىس كەزەڭىندە 2 مىڭعا جۋىق, ال زاۋىت پايدالانۋعا بەرىلگەننەن كەيىن 700-دەن استام جۇمىس ورنى اشىلادى.

شيكىزات قازاقستاننىڭ تەڭىز جانە كورولەۆسكوە كەن ورىندارىنان جەتكىزىلەدى دەپ كوزدەلۋدە. دايىن ءونىم قاراعاندى وبلىسىنداعى شينا زاۋىتىنا جونەلتىلىپ, ەۋروپا ەلدەرىنە, رەسەي, قىتاي, تۇركيا جانە باسقا دا مەملەكەتتەرگە ەكسپورتقا شىعارىلادى دەپ جوسپارلانىپ وتىر.

ء«بىزدىڭ كومپانيا دامۋ ستراتەگياسىنا ساي­كەس وندىرىلەتىن ءونىمنىڭ قوسىمشا قۇن تىز­بە­گىن كەڭەيتۋگە ۇمتىلىپ, قازاقستان رەس­پۋب­لي­كا­­سىنداعى مۇناي-گاز حيمياسى سالاسىن جان-جاقتى دامىتىپ جاتىر. «قازمۇنايگاز» جانە «تاتنەفت» كومپانيالارىنىڭ بىرلەسكەن كا­سىپ­ورىننىڭ قۇرىلعانى بۇعان دالەل بولىپ وتىر. جوبا قازاقستان مەن تاتارستان اراسىنداعى سەرىكتەستىكتى دامىتۋعا, سونداي-اق ەل ەكونوميكاسىن ارتاراپتاندىرۋعا سەپتىك ەتەتىنىنە سەنىمدىمىن», دەپ اتاپ ءوتتى اليك ايدارباەۆ.

«تاتنەفت» كومپانياسىنىڭ مۇناي-حيميا سالاسى بويىنشا ۇلكەن جوسپارى بار. بۇل باعىتتا قازاقستاندىق ارىپتەستەرىمىزبەن بىرلەسىپ جۇمىس ىستەيتىنىمىزگە قۋانىشتىمىز. ءبىز ءۇشىن قازاقستان – ستراتەگيالىق سەرىكتەس ەل. قازىردىڭ وزىندە قازاقستانمەن ءوزارا ءىس-قيمىل بويىنشا تاجىريبەمىز بار, اتاپ ايتقاندا, قاراعاندى وبلىسىنداعى شينا شىعاراتىن زاۋىتتى بىرلەسىپ ىسكە قوسۋ جۇمىستارىن جۇرگىزىپ جاتىرمىز. بۇل ەۋرازيالىق وداققا كىرەتىن ەلدەردىڭ ەكونوميكالىق ينتەگراتسيا ستراتەگياسىنىڭ جۇزەگە اسىرىلۋىنىڭ ناقتى كورىنىسى. ءبىز تاعى ءبىر مارتە قازاقستاندا اۋقىمدى ينۆەستيتسيالىق جوبالاردىڭ جۇزەگە اسىرىلۋىنا بارىنشا قولايلى جاعدايلار جاسالعاندىعىنىڭ كۋاسى بولدىق. بۋتاديەن كاۋچۋكتەرىن وندىرەتىن جاڭا بىرلەسكەن كاسىپورىن ەكى ەل ەكونوميكاسىن نى­عايتۋعا جانە حالىقتاردىڭ ءال-اۋقاتىن ارتتىرۋعا سەپتىگىن تيگىزەتىندىگىنە سەنەمىن», دەدى نايل ماگانوۆ.

ەسكە سالا كەتەيىك, 2021 جىلعى 5 ساۋىردە «قازمۇنايگاز» بەن «تاتنەفت» اراسىندا «بۋ­تاديەن» جوباسى بويىنشا ءوزارا ءىس-قيمىلدىڭ نەگىزگى شارتتارى بويىنشا كەلىسىمگە كەلدى. 2021 جىلعى 28 ساۋىردە كومپانيالار جوبانى ىسكە اسىرۋدىڭ جول كارتاسى مەن شاعىن اۋقىمداعى شارتقا قول قويدى.