بيىل شىمكەنتتە 33 نەسيەلىك جانە 6 جالدامالى كوپپاتەرلى ءۇي پايدالانۋعا بەرىلەدى, دەپ حابارلايدى Egemen.kz.
تۇران شاعىن اۋدانىنىڭ قۇرىلىسى كەلەسى جىلى اياقتالادى. قالانىڭ باس قۇرىلىسشىسى ابىلسەيىت راباەۆ شاعىن اۋداندا 88 كوپپاتەرلى ءۇي, 1200 ورىندىق مەكتەپ جانە ساياباق سالۋدى جوسپارلاپ وتىر. وسىلايشا, 5 مىڭ شىمكەنتتىكتىڭ تۇران شاعىن اۋدانىندا پاتەر الۋ مۇمكىندىگى بار.
«سونىمەن قاتار, ءبىز قالانىڭ ءارتۇرلى بولىكتەرىندە وسىنداي بىرنەشە شاعىن اۋدانداردى اشۋدى جوسپارلاپ وتىرمىز. وسى شاعىن اۋدانداردى كوپقاباتتى تۇرعىن ءۇي ايماعىنا ءبولۋ ءۇشىن قالانىڭ كولىك ينفراقۇرىلىمىن جەڭىلدەتۋ قاجەتتىگىن ەسكەردىك», دەيدى شىمكەنت قالاسى قۇرىلىس باسقارماسىنىڭ باسشىسى ابىلسەيىت راباەۆ.
ابىلسەيىت راباەۆتىڭ ايتۋىنشا, بولاشاقتا شاعىن اۋداندا ينفراقۇرىلىم ماسەلەلەرى تۋىندامايدى. ياعني, كوپقاباتتى ۇيلەردىڭ ساپاسى جوعارى بولادى. مەردىگەرلەر قۇرىلىس ءۇشىن وتاندىق ءونىمنىڭ 85% پايدالانادى.
«قازىرگى ۋاقىتتا ءبىز ىشكى بەزەندىرۋمەن جانە جالپى ىشكى جۇمىستارمەن اينالىسۋدامىز. ساپاسى وتە جاقسى. جىل سوڭىنا دەيىن قالا تۇرعىندارىنا 5 ءۇيدى تاپسىرۋ جوسپارلانعان», دەيدى «ارتستروي» جشس وكىلى دانيار ايات.
بيىل قۇرىلىسقا بيۋدجەتتەن 28 ملرد تەڭگەگە جۋىق قاراجات ءبولىندى. بۇل وتكەن جىلمەن سالىستىرعاندا 15%-عا ارتىق. جىل باسىنان بەرى 79 ءۇيدىڭ قۇرىلىسى باستالدى, ونىڭ 39-ى پايدالانۋعا بەرىلدى.