پرەمەر-مينيستر اسقار مامين ۇكىمەتكە 2025 جىلعا دەيىنگى يندۋستريالىق-يننوۆاتسيالىق دامۋ تۇجىرىمداماسىنىڭ وزەكتەندىرىلگەن جوباسىن ەنگىزۋدى تاپسىردى, دەپ حابارلايدى Egemen.kz.
«2021 جىلدىڭ 10 ايىندا وڭدەۋ ونەركاسىبى وتكەن جىلعا قاراعاندا 5,3% ءوسىمدى قامتاماسىز ەتتى. جايرەم جانە اقتوعاي كبك قۋاتتارىن كەڭەيتۋ, التىن شىعارۋ فابريكاسى مەن فەرروقورىتپا زاۋىتىن, ماشينا جاساۋ وندىرىستەرىن سالۋ جونىندەگى ءىرى جوبالاردى ىسكە اسىرۋ ەسەبىنەن نەگىزگى كاپيتالعا سالىنعان ينۆەستيتسيالاردىڭ 1,8 ەسە ايتارلىقتاي ءوسۋى بايقالدى, ولار 1,2 ترلن تەڭگەنى قۇرادى. ەڭ جوعارى ءوسىم فارماتسەۆتيكادا - 33,6%-عا, ماشينا جاساۋدا - 19,5%-عا, قۇرىلىس ماتەريالدارى وندىرىسىندە - 9,3%-عا, حيميا ونەركاسىبىندە - 6,5%-عا, تاماق ونىمدەرى وندىرىسىندە - 3,6%-عا بايقالدى», دەدى اسقار مامين ۇكىمەت وتىرىسىندا.
بيىل مۇناي-گاز حيمياسى سالاسىندا تەحنيكالىق گازدار مەن وكتان كوتەرەتىن قوسىندىلار ءوندىرۋ جونىندەگى زاۋىتتار, سونداي-اق پوليپروپيلەن ءوندىرۋ جونىندەگى زاۋىت اياقتالۋ ساتىسىندا تۇر. بۇدان باسقا, اعىمداعى جىلى مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى قۇرىلدى, ول تاۋارلار ءوندىرىسىن وقشاۋلاندىرۋدى جانە وتاندىق وندىرۋشىلەردىڭ مۇمكىندىكتەرىن كەڭەيتۋدى قامتاماسىز ەتەدى.
«بيىل يندۋستريالاندىرۋ كارتاسى اياسىندا تاماق ونەركاسىبىندە, قۇرىلىس يندۋسترياسىندا, ماشينا جاساۋدا, مەتاللۋرگيادا جانە باسقا دا سالالاردا 12,7 مىڭ تۇراقتى جۇمىس ورنىن قۇرا وتىرىپ, جالپى سوماسى 1,3 ترلن تەڭگەگە 139 يندۋستريالىق جوبانى ىسكە قوسۋ جوسپارلانعان. ونىڭ ىشىندە 1 ترلن تەڭگەگە جۋىق سوماعا 83 جوبا ىسكە قوسىلدى. قالعاندارى جەلتوقسان ايىندا ىسكە قوسىلادى. تولىق قۋاتقا شىققان كەزدە وسى جوبالاردىڭ ءوندىرىس كولەمى 1,1 ترلن تەڭگەنى قۇرايدى, ال وندىرىلگەن ءونىمنىڭ ۇشتەن ءبىرى ەكسپورتقا كەتەدى. وسى جۇمىستى بەلسەندى جالعاستىرعان ءجون», دەپ اتاپ ءوتتى ۇكىمەت باسشىسى.
سونداي-اق, اسقار مامين بىرقاتار تاپسىرمالار بەردى.
«قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى اياسىندا وڭدەۋشى سەكتورعا ەرەكشە ءرول بەرىلەدى. يندۋستريا مينيسترلىگىنە 10 جەلتوقسانعا دەيىن ۇكىمەتكە يندۋستريالىق-يننوۆاتسيالىق دامۋدىڭ 2025 جىلعا دەيىنگى تۇجىرىمداماسىنىڭ وزەكتەندىرىلگەن جوباسىن ەنگىزۋدى تاپسىرامىن. مەملەكەت باسشىسىنىڭ تاپسىرماسىنا سايكەس ۇكىمەت الەۋەتتى ءوسۋ نۇكتەلەرى انىقتالاتىن جانە ولاردى دامىتۋدىڭ كەشەندى جوسپارلارى ازىرلەنەتىن پەرسپەكتيۆالى مونوقالالاردىڭ تىزبەسىن قالىپتاستىرۋى قاجەت», دەدى اسقار مامين.
پرەمەر-مينيستر يندۋستريا, ەكونوميكا مينيسترلىكتەرىنە جانە اكىمدىكتەرگە 2022 جىلعى 1 ناۋرىزعا دەيىن وڭىرلەردىڭ ەرەكشەلىگىن ەسكەرە وتىرىپ, مونوقالالاردا ىسكە اسىرۋ ءۇشىن «زاكىرلىك» يندۋستريالىق جوبالار پۋلىن پىسىقتاۋدى تاپسىردى.
«سالالاردى دامىتۋدىڭ ماڭىزدى مىندەتى ولاردى وندىرىستىك پروتسەستەرگە جاڭا تەحنولوگيالاردى ەنگىزۋ بويىنشا ءوسىپ كەلە جاتقان ترەندكە بەيىمدەۋ بولىپ تابىلادى. سوندىقتان وڭدەۋشى سەكتورداعى تسيفرلىق شەشىمدەردى قولداۋ قۇرالدارىنىڭ تىزبەسىن كەڭەيتۋ قاجەت. يندۋستريا مينيسترلىگى 2022 جىلعى 1 ناۋرىزعا دەيىن كاسىپورىنداردا تسيفرلىق شەشىمدەردى ەنگىزۋدى ىنتالاندىرۋ جونىندەگى قاجەتتى نورماتيۆتىك-قۇقىقتىق بازانى قابىلداۋدى قامتاماسىز ەتسىن. جالپى, مەملەكەت باسشىسىنىڭ وڭدەۋ ونەركاسىبىنىڭ ءوسىمىن قامتاماسىز ەتۋ جونىندەگى تاپسىرمالارى ساپالى جانە بەلگىلەنگەن مەرزىمدە ورىندالۋى ءتيىس», دەپ تاپسىردى پرەمەر-مينيستر.