قازاقستاندىق ارالاس جەكپە-جەك شەبەرى جالعاس جۇماعۇلوۆ 5 جەلتوقسان كۇنى سەگىز بۇرىشقا ورالادى. بۇل كۇنى وتانداسىمىز UFC تۋرنيرىندە انگولالىق مانەل كاپەگە قارسى جەكپە-جەككە شىعادى, دەپ حابارلايدى Egemen.kz.
بۋكمەكەرلىك كەڭسەلەر اتالمىش شايقاسقا قاتىستى بولجام جاساپ تا ۇلگەردى. ماسەلەن, Parimatch بۋكمەكەرلىك كەڭسەسى جەكپە-جەك قورىتىندىسى بويىنشا انگولالىق سپورتشىنىڭ جەڭىسكە جەتەتىنىنە سەنەدى. ولار مانەل كاپەنىڭ جەڭىسىنە 1,49 كوەففيتسيەنت ۇسىنسا, جالعاس جۇماعۇلوۆ جەڭەدى دەگەنگە 2,5 كوەففيتسيەنت بەرگەن. ءبىر سوزبەن ايتقاندا لاس-ۆەگاس تورىندەگى شايقاستا كاپەنىڭ مەرەيى ۇستەم بولادى دەگەنگە كوبىرەك سەنىم ارتىپ وتىر.