دۇنيەجۇزىلىك دەنساۋلىق ساقتاۋ ۇيىمى بۇرىن كورونوۆيرۋسپەن اۋىرعان ادامداردا «وميكرون» شتامىن جۇقتىرۋ قاۋپى جوعارى ەكەنىن ەسكەرتتى, دەپ حابارلايدى Egemen.kz.
بۇل تۋرالى ريا نوۆوستي ءمالىم ەتتى.
ددسۇ اقپاراتتىڭ انىق-قانىعى الداعى كۇندەرى ناقتىلاناتىنىن ايتتى. ۇيىم قازىرگى ۋاقىتتا قولدانىلاتىن پتر تەستتەرى ينفەكتسيانىڭ جاڭا شتامىن انىقتاي الاتىندىعىن راستادى.
بۇعان دەيىن ددسۇ «وميكرون» شتامىنىڭ جەتكىلىكتى دەڭگەيدە زەرتتەلمەگەنىن, ونىڭ «دەلتا» شتامىنان قاۋىپتى بولۋى مۇمكىن دەگەن قورىتىندى جاساۋعا ءالى ەرتە ەكەنىن ەسكەرتكەن. سونىمەن بىرگە, ددسۇ ۆاكتسينا ءولىم-ءجىتىم مەن اۋرۋدىڭ ازايۋىنا ايتارلىقتاي ىقپال ەتەتىنىن ەسكە سالعان بولاتىن.
بۇعان دەيىن افريكانىڭ وڭتۇستىگىندە كوروناۆيرۋستىڭ جاڭا شتامى B. 1.1.529 «وميكرون» تابىلعان ەدى, ول وتە كوپ مۋتاتسياعا تۇسكەن. 26 قاراشادا ددسۇ كوروناۆيرۋستىڭ جاڭا, قاتتى مۋتاتسيالانعان نۇسقاسىنىڭ اشىلعانىن رەسمي تۇردە جاريالادى.
«وميكرون» ەۋروپانىڭ بىرنەشە ەلىندە - گەرمانيا, چەحيا, يتاليا, ۇلىبريتانيا, نيدەرلاندى جانە بەلگيادا انىقتالدى. سونداي-اق, گونكونگ, يزرايل جانە اۋستراليادا ۆيرۋستىڭ وسى نۇسقاسى تىركەلگەنى حابارلاندى.