قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى ۆەتەريناريا باسقارماسى باسشىسىنىڭ ورىنباسارى نۇرسۇلتان دۇيسەبەك ماڭعىستاۋدا قۋاڭشىلىق سالدارىنان قىرىلعان مال سانىن جاريالادى, دەپ حابارلايدى Egemen.kz.
ونىڭ ايتۋىنشا, ءمۇيىزدى ءىرى قارا – 51, ۇساق مال – 534, تۇيە – 67, جىلقى – 569 باس. بۇل وڭىردەگى مالدىڭ 0,2 پايىزىن قۇرايدى.
«ولگەن مالدارعا ءىشىنارا پاتولوگاناتوميالىق جارىپ-سويۋ, كوتەرەم مالدارعا كلينيكالىق تەكسەرۋ جۇرگىزىلدى جانە كوتەرەم مالداردان قان سىنامالارى زەرتحاناعا تاپسىرىلدى. تەكسەرۋ ناتيجەسى بويىنشا «اليمەنتارلىق ديستروفيا» دياگنوزى قويىلىپ, راستالدى», دەدى نۇرسۇلتان دۇيسەبەك.
جالپى وبلىس اۋماعىندا جانۋارلار اراسىندا مال شىعىنىنا سەبەپ بولاتىنداي اسا قاۋىپتى جانە جۇقپالى اۋرۋلار انىقتالعان جوق.