قىزىلوردا وبلىسى جاڭاقورعان اۋداندىق پروكۋراتۋراسى مەملەكەتتىك ساتىپ الۋ زاڭنامالارىنىڭ ساقتالۋى باعىتىندا وتكەن جىلى 6 تەكسەرۋ جۇرگىزىپ, 13 زاڭ بۇزۋشىلىقتى انىقتادى. سونىڭ ناتيجەسىندە 8 زاڭ بۇزۋشىلىق جويىلىپ, ەنگىزىلگەن 4 ۇسىنىستىڭ قارالۋ قورىتىندىسىمەن 14 قىزمەتكەردىڭ تارتىپتىك جاۋاپكەرشىلىگى شەشىلدى. بۇدان باسقا, 15 زاڭ ءتۇسىندىرۋ بەرىلدى.
ەسەپتى كەزەڭدە اۋداندىق پروكۋراتۋرا «وزگەنت اۋىلدىق وكرۋگى اكىمىنىڭ اپپاراتى» مەملەكەتتىك مەكەمەسىندە بىرنەشە كوشەنى ورتاشا جوندەۋ جۇمىستارىنا وراي وتكىزىلگەن مەملەكەتتىك ساتىپ الۋ بارىسىندا قازاقستان رەسپۋبليكاسىنىڭ «مەملەكەتتىك ساتىپ الۋ تۋرالى» جانە «سىبايلاس جەمقورلىققا قارسى كۇرەس تۋرالى» زاڭدارى تالاپتارىنىڭ ساقتالۋىنا تەكسەرۋ جۇرگىزىپ, بىرقاتار زاڭ بۇزۋشىلىقتاردىڭ ورىن العانىن انىقتادى. اتاپ ايتقاندا, پروكۋراتۋرا قىزمەتكەرلەرى وكرۋگتەگى ۇسەناتا, دوساناتا, راحمانوۆ, قۇنانباەۆ, ابدىكارىموۆ, سەيفۋللين جانە م.جۇماباەۆ كوشەلەرىن ورتاشا جوندەۋگە بايلانىستى جۇمىستارىنا تەكسەرۋ جۇرگىزدى. وندا اتالمىش وكرۋگ باسشىلىعىنىڭ مەملەكەتتىك ساتىپ الۋدى ەلەكتروندى كونكۋرس تاسىلىمەن وتكىزۋ ءۇشىن ونىڭ ۆەب-پورتالىنا حابارلاندىرۋ جاريالاعانى, سونىڭ ارقاسىندا كونكۋرسقا قاتىسۋعا «اق-جول», «نۋر-ستروي لتد» جانە «شيەلى-جولشى» جشس-مەن وتىنىمدەر ۇسىنعانى انىقتالدى. سول جىلعى 10 قىركۇيەكتەگى رۇقسات بەرۋ تۋرالى حاتتاماسىنا سايكەس, «اق-جول» جانە «نۋر-ستروي لتد» جشس قۇجاتتارى تولىق دايىن بولماعاندىقتان, كونكۋرسقا قاتىسۋعا جىبەرىلمەگەن. بۇدان كەيىن قابىلدانعان قورىتىندى حاتتاماعا سايكەس, ەلەكتروندىق كونكۋرس بويىنشا كونكۋرسقا قاتىسۋعا ءبىر عانا الەۋەتتى جابدىقتاۋشى, ياعني «شيەلى-جولشى» جشس جىبەرىلۋىنە بايلانىستى ول وتپەدى دەپ تانىلعان. سوندىقتان
وزگەنت اۋىلدىق وكرۋگى اكىمىنىڭ 2013 جىلعى 11 قىركۇيەكتەگى «ءبىر كوزدەن ساتىپ الۋدى جۇرگىزۋ تۋرالى» وكىمىنە سايكەس, جوعارىدا اتالعان كوشەلەردى ءبىر كوزدەن ساتىپ الۋ تاسىلىمەن جۇرگىزۋگە پارمەن بەرىلگەن. وسىعان بايلانىستى «شيەلى-جولشى» سەرىكتەستىگىمەن وزگەنت اۋىلىنداعى ءا.راحمانوۆ, ي.ابدىكارىموۆ, ۇسەناتا كوشەسى مەن دوساناتا كوشەسىنىڭ ءبىر بولىگىن جانە اقسۋات اۋىلىنداعى س.سەيفۋللين, م.جۇماباەۆ جانە ا.قۇنانباەۆ كوشەلەرىنە ورتاشا جوندەۋ جۇمىستارىنا 46 106 390 تەڭگەگە جۇمىستاردى مەملەكەتتىك ساتىپ الۋ تۋرالى شارت جاسالعان.
قازاقستان رەسپۋبليكاسىنىڭ «مەملەكەتتىك ساتىپ الۋ تۋرالى» زاڭىنىڭ 40-بابى 1-تارماعىندا مەملەكەتتىك ساتىپ الۋ تۋرالى شارت وعان تاپسىرىس بەرۋشى مەن ءونىم بەرۋشى قول قويعاننان كەيىن نە كونكۋرستىق قۇجاتتامادا كوزدەلگەن شارتتىڭ ورىندالۋىن قامتاماسىز ەتۋدى ءونىم بەرۋشى تولىق ەنگىزگەننەن كەيىن كۇشىنە ەنەتىندىگى كورسەتىلگەن. وسى نەگىزدە, شارتتىڭ 66-تارماعىندا مەردىگەر شارتتا ايتىلعان بارلىق جۇمىستار اياقتالعاننان كەيىن, تاپسىرىس بەرۋشىگە جۇمىستاردىڭ اياقتالعانى تۋرالى حابارلاما جىبەرەتىندىگى, تاپسىرىس بەرۋشى جەتى كۇن مەرزىمنەن كەشىكتىرمەي شارتقا سايكەس, جۇمىستاردىڭ اياقتالۋىن باعالاۋ جونىندەگى كوميسسياسىن تاعايىندايتىندىعى كورسەتىلگەن. شارتتىڭ 69-تارماعىندا جۇمىس كوميسسياسى شالالىقتاردىڭ تىزبەسىن جاسايتىندىعى جانە ولاردى جويۋ مەرزىمىن كورسەتەتىندىگى, شالالىقتاردىڭ جويۋ كۇنى شارتتىڭ اياقتالعان كۇنى بولىپ سانالاتىندىعى, بارلىق شالالىقتاردىڭ جويۋ فاكتىسى ورىندالعان جۇمىس كولەمىن پايدالانۋعا تۇپكىلىكتى قابىلداۋ اكتىسىمەن جانە تاپسىرىس بەرۋشى مەن ورىنداۋشى اراسىنداعى قابىلداۋ اكتىسىمەن انىقتالىپ, جۇمىستار 2013 جىلدىڭ 15 قازاندا ورىندالۋى ءتيىس دەپ كورسەتىلگەن.
سونىمەن بىرگە, شارتتىڭ 70-تارماعىندا ەگەر مەردىگەر شارتتا ايتىلعان مەرزىمدە جۇمىستى ورىنداماسا, تاپسىرىس بەرۋشى شارتتىڭ شەڭبەرىندە ءوزىنىڭ باسقا قۇقىقتارىنا زيانسىز شارتتىڭ باعاسىنان ءار ءبىر مەرزىمى وتكەن كۇنگە 0,1 پايىز سوماسىندا تۇراقسىزدىق ايىبىن ەسەپتەپ شىعارىپ وتىراتىندىعى, تاپسىرىس بەرۋشى وسى شارت بويىنشا مىندەتتەمەلەردى ورىنداۋ مەرزىمىنىڭ بۇزىلۋ جاعدايلارىن قوسا العاندا ورىنداۋشى تاراپىنان شارت بويىنشا مىندەتتەمەلەر ورىندالماعان نە تيىسىنشە ورىندالماعان جاعدايدا تولىق كولەمدە تۇراقسىزدىق ايىبىن كەلىسىم شارت باعاسىنان 0,1 پايىز سوماسىندا ءوندىرىپ الۋدى قامتاماسىز ەتەتىندىگى كورسەتىلگەن.
الەۋەتتى ءونىم بەرۋشى «شيەلى-جولشى» جشس ديرەكتورى ا.ابدۋللاەۆ 16 قازاندا وزگەنت اۋىلدىق وكرۋگىنىڭ اكىمى ن.وسپانوۆقا وزگەنت اۋىلىنداعى ءا.راحمانوۆ, ي.ابدىكارىموۆ, ۇسەناتا, دوساناتا, س.سەيفۋللين, م.جۇماباەۆ جانە ا.قۇنانباەۆ كوشەلەرىنىڭ ورتاشا جوندەۋ جۇمىستارى تولىق اياقتالۋىنا بايلانىستى حات جولداپ, جۇمىستاردى قابىلداۋ ماقساتىندا جۇمىسشى كوميسسيا قۇرامىن بەكىتىپ بەرۋىن سۇراعان. وسىعان وراي وزگەنت اۋىلدىق وكرۋگىنىڭ اكىمى ن.وسپانوۆ «جۇمىس كوميسسياسىن قۇرۋ تۋرالى» وكىم شىعارعان. بىراق كوميسسيا جوعارىدا اتالعان كوشەلەردى ورتاشا جوندەۋ جۇمىستارىنىڭ قابىلداۋعا دايىندىعىن كەشەندى باعالاۋدا شالالىقتاردىڭ تىزبەسىن جاساماي, ولاردىڭ جويۋ مەرزىمىن كورسەتپەي, فورمالدى تۇردە جۇرگىزگەن. سوعان قاراماستان, اۋىلدىق وكرۋگ اكىمى «شيەلى-جولشى» جشسديرەكتورى ا.ابدۋللاەۆقا ورتاشا جوندەۋ جۇمىستارىن قابىلداۋ دايىندىعىنا كەشەندى باعالاۋ جۇرگىزگەنىن حابارلاپ, انىقتالعان كەمشىلىكتەر مەن ەسكەرتپەلەردى تۇزەتىپ, جۇمىس كوميسسياسىنا ۇسىنۋىن سۇراعان. ال كەمشىلىكتەر مەن ەسكەرتپەلەر ءبارىبىر جويىلماعان. الايدا, اكىمدىك اپپاراتىنىڭ ءتيىستى قىزمەتكەرلەرى كەلىسىم-شارتتىڭ 70-تارماعى تولىق ورىندالماعانىنا قاراماستان, تاپسىرىس بەرۋشىمەن قارالعان سوماسىنىڭ 95 پايىزىن اۋدارىپ جىبەرگەن. ولار مەرزىمىندە جۇمىستاردى اياقتاماعانى ءۇشىن ءوندىرىپ الۋعا ءتيىستى 1 106 544 تەڭگەنىڭ ءوسىمپ ۇلىن قايتارۋدى قامتاماسىز ەتپەگەن.
قازاقستان رەسپۋبليكاسىنىڭ مەملەكەتتىك ساتىپ الۋ تۋرالى زاڭناماسىن بۇزۋ فاكتىسى تۋرالى وزىنە بەلگىلى بولعان كۇننەن باستاپ ون جۇمىس كۇنىنەن كەشىكتىرمەي, مۇنداي الەۋەتتى ءونىم بەرۋشىنى نەمەسە ءونىم بەرۋشىنى مەملەكەتتىك ساتىپ الۋعا جوسىقسىز قاتىسۋشى دەپ تانۋ تۋرالى تالاپ ارىزبەن سوتقا جۇگىنۋگە مىندەتتى ەكەندىگى كورسەتىلگەن. دەگەنمەن, اتالعان زاڭنىڭ تالاپتارى اپپاراتتىڭ ءتيىستى قىزمەتكەرلەرى تاراپىنان ورىندالماي, الەۋەتتى ءونىم بەرۋشى «شيەلى-جولشى» سەرىكتەستىگىن شارت بويىنشا ءوز مىندەتتەمەلەرىن ءتيىستى تۇردە ورىنداماعانى ءۇشىن ون جۇمىس كۇنى ىشىندە تالاپ ارىزبەن سوتقا جۇگiنبەگەن.
قازاقستان رەسپۋبليكاسىنىڭ «سىبايلاس جەمقورلىققا قارسى كۇرەس تۋرالى» زاڭىنىڭ 12-بابى 1-تارماعىنىڭ 4-تارماقشاسىندا شەشiمدەر ازiرلەۋ مەن قابىلداۋ كەزiندە زاڭدى جانە جەكە تۇلعالارعا زاڭسىز ارتىقشىلىق كورسەتۋ, ال 5-تارماقشاسىندا كiمگە بولسا دا تابىس الۋعا بايلانىستى كاسiپكەرلiك جانە وزگە دە قىزمەتتi جۇزەگە اسىرۋدا زاڭداردا كوزدەلمەگەن كەز كەلگەن جاردەم كورسەتۋ ارەكەتتەرi سىبايلاس جەمقورلىققا جاعداي تۋعىزاتىن قۇقىق بۇزۋشىلىق بولىپ تابىلاتىندىعى كورسەتىلگەن.
سوندىقتان كەلىسىم-شارتتىڭ 70-تارماعىنا سايكەس جۇمىستاردى ۋاقىتىلى بىتىرمەگەنى ءۇشىن 0,1 % مولشەرىندە ايىپپۇلدى ءوندىرۋدى جۇزەگە اسىرىپ, زاڭ بۇزۋشىلىقتاردى جويىپ, الداعى ۋاقىتتا زاڭ بۇزۋشىلىقتارعا جول بەرمەۋگە ناقتى شارالار قابىلداپ, سىبايلاس جەمقورلىققا جاعداي تۋعىزاتىن قۇقىق بۇزۋشىلىقتارعا جول بەرگەن كىنالى قىزمەتكەرلەردىڭ تارتىپتىك جاۋاپكەرشىلىگىن قاراۋ ءۇشىن وزگەنت اۋىلدىق وكرۋگى اكىمىنە ۇسىنىس ەنگىزىلدى. ناتيجەسىندە بۇعان جول بەرگەن 1 تۇلعانىڭ تارتىپتىك جاۋاپكەرشىلىگى شەشىلدى.
رۋسلان ءپىرنازار,
جاڭاقورعان اۋدانى پروكۋرورىنىڭ كومەكشىسى,
قىزىلوردا وبلىسى.