2021 جىلعى 1 قاراشاداعى جاعداي بويىنشا جۇمىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان (ماسق) الەۋمەتتىك تولەم الۋشىلاردىڭ سانى 94,9 مىڭ ادامدى قۇرادى, بۇل رەتتە 70,2 مىڭ تولەم العاش رەت وسى جىلى تاعايىندالدى, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
قولدانىستاعى زاڭناماعا سايكەس جۇمىستان بوساتىلعان قىزمەتكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايرىلۋى بويىنشا الەۋمەتتىك تولەمدەر الادى. تولەم جوعالعان تابىستىڭ 40%-نا دەيىنگى مولشەردە ماسق قاراجاتى ەسەبىنەن جۇزەگە اسىرىلادى.
جۇمىستان بوساتىلعان قىزمەتكەرگە تولەم تاعايىنداۋ ءۇشىن:
eGov.kz پورتالدا اۆتوريزاتسيالانۋ قاجەت; «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەپ جۇرگەن ادامداردى تىركەۋ» قىزمەتىن تاڭداۋ; بارلىق جولداردى تولتىرىپ, قىزمەتكە ونلاين تاپسىرىس بەرۋ جانە ەتسق-مەن قول قويۋ ارقىلى ءوتىنىم جىبەرۋ; ءبىر كۇن ىشىندە حالىقتى جۇمىسپەن قامتۋ ورتالىعى ءوتىنىش بەرۋشىنىڭ تۇرعىلىقتى جەرى بويىنشا بوس جۇمىس ورىندارىن ۇسىنادى; ەگەر جۇمىس تابىلماسا, ءۇش كۇن ىشىندە قاشىقتىقتان جۇمىسسىز مارتەبەسى بەرىلەدى (قاجەت بولعان جاعدايدا قوسىمشا اقپارات جيناۋ ءۇشىن حجقو قىزمەتكەرى ءوتىنىش بەرۋشىمەن بايلانىسادى).بۇل قىزمەتتى ونلاين-رەجيمدە ەلەكتروندىق ەڭبەك بيرجاسى ارقىلى دا الۋعا بولادى (enbek.kz). جۇمىسسىز رەتىندە تىركەلگەنى تۋرالى مالىمەتتەر بولعان كەزدە ەڭبەك مينيسترلىگىنىڭ اقپاراتتىق جۇيەسى پرواكتيۆتى فورماتتا ماسق-دان تولەم تاعايىنداۋ بويىنشا قىزمەت كورسەتۋگە كەلىسىم بەرۋ ءۇشىن ۇيالى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.
ەسكە سالا كەتسەك, ماسق قاراجاتى ەسەبىنەن جۇمىسىنان ايىرىلعان جاعدايدا تولەنەتىن الەۋمەتتىك تولەم جۇمىستان بوساتىلۋ سەبەپتەرىنە قاراماستان جۇزەگە اسىرىلادى جانە جۇمىسسىز ادام جۇمىس ىزدەپ جۇرگەن كەزەڭدە ونى قولداۋعا ارنالعان.