2021 جىلعى 21 قاراشادا العاشقى رەيستىڭ اشىلۋى شەڭبەرىندە قازاقستاننىڭ كاتارداعى ەلشىلىگى, «ەير استانا» جانە «Qatar Airways» اۋە كومپانيالارى وكىلدەرىنىڭ قاتىسۋىمەن ەكى ەلدىڭ اۆياتسيالىق بيلىك ورىندارىنىڭ كەلىسسوزدەرى ءوتتى, دەپ حابارلايدى Egemen.kz.
قازاقستان دەلەگاتسياسىن يدم ازاماتتىق اۆياتسيا كوميتەتىنىڭ توراعاسى تالعات لاستاەۆ جانە كاتار دەلەگاتسياسىن وسى ەلدىڭ اۆياتسيالىق بيلىك ورىندارى پرەزيدەنتىنىڭ مىندەتىن اتقارۋشى موحامەد فالەح ال-حادجري باسقاردى.
كەلىسسوزدەر بارىسىندا تاراپتار ازاماتتىق اۆياتسيا سالاسىنداعى ىنتىماقتاستىقتىڭ بىرقاتار ماسەلەلەرىن, ونىڭ ىشىندە اۋە قاتىناسى تۋرالى ۇكىمەتارالىق كەلىسىم جوباسىن جانە ەكى ەل اراسىنداعى اۋە قاتىناسىن ودان ءارى كەڭەيتۋ جايىن تالقىلادى. كەلىسسوزدەر قورىتىندىسىندا تاراپتار ءوزارا تۇسىنىستىك تۋرالى مەموراندۋمعا قول قويدى, سوعان سايكەس اۋە قاتىناسى تۋرالى كەلىسىم جوباسى كەلىسىلدى. وسى ورايدا 2019 جىلى قازاقستان مەن كاتاردىڭ اۆياتسيالىق بيلىك ورىندارى اراسىندا وتكەن كەلىسسوزدەرىنىڭ قورىتىندىسى بويىنشا وسى ايدا ەكى ەل اراسىندا تىكەلەي رەيس اشىلدى.