ء«وڭىر» دەپۋتاتتىق توبى مۇشەلەرىنىڭ ايماقتارعا ساپارى جالعاسۋدا. بۇل شارا ازاماتتاردى جۇمىس كۇشى ارتىق وڭىرلەردەن جۇمىس كۇشىنە ءزارۋ وڭىرلەرگە قونىستاندىرۋ ماسەلەسى بويىنشا وتىرىسقا دايىندىق اياسىندا قولعا الىنعان بولاتىن. سەناتورلار ەرىك سۇلتانوۆ, ءالىمجان قۇرتاەۆ جانە التىنبەك نۇح ۇلى بۇگىن پاۆلودار وبلىسىنداعى ەكىباستۇز قالاسىندا بولدى.
دەپۋتاتتار ساپار بارىسىندا قونىس اۋدارۋشىلارعا ارنالعان ۇيلەر سالۋدا الەۋەتتى اۋماق رەتىندە قارالاتىن قالانىڭ شاعىن اۋداندارىن ارالادى. سونداي-اق قالا اكتيۆىنىڭ قاتىسۋىمەن قونىس اۋدارۋدى ۇيىمداستىرۋ ماسەلەلەرىن تالقىلاۋ جونىندە كەڭەس وتكىزىلدى.
«9 مىڭعا جۋىق ادام قيىندىقتارعا قاراماستان پاۆلودار وبلىسىنا كەلىپ وتىر. بۇل رەتتە قونىس اۋدارۋشىلاردىڭ تۇراقتانۋى 97%-دى قۇرايدى. بۇل جەرگىلىكتى بيلىكتىڭ كەلگەن ازاماتتارعا قاجەتتى جاعداي جاساعانىنىڭ دالەلى بولىپ تابىلادى», دەپ اتاپ ءوتتى سەناتور ەرىك سۇلتانوۆ.
سەناتورلار ەرىكتى قونىس اۋدارۋ باعدارلاماسىن ىسكە اسىرۋ كەزىندە وڭىرلەر تاپ بولىپ وتىرعان پروبلەمالارعا ەرەكشە نازار اۋداردى.
ء«بىز بۇگىن قونىس اۋدارۋ جونىندەگى كۆوتانى جىلىنا 2 مىڭنان 10 مىڭ وتباسىنا دەيىن ۇلعايتۋ مۇمكىندىگىن تالقىلايمىز. وندا دا بەيىمدەلۋ جاي-كۇيىن جەڭىلدەتۋ ءۇشىن ءبىر ەلدى مەكەنگە 5-20 وتباسىن توپتاپ كوشىرۋ ارقىلى جۇزەگە اساتىن بولادى», دەدى ءالىمجان قۇرتاەۆ.
جيىن بارىسىندا دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ قانداستاردى ەلىمىزدىڭ وڭتۇستىگىنەن سولتۇستىككە كوشىرۋ جونىندەگى «اسار» پيلوتتىق جوباسىن ءوڭىر اكتيۆىنە تانىستىردى.
سەناتورلار سونىمەن قاتار مەملەكەت باسشىسىنىڭ مونوقالالاردى دامىتۋ جونىندەگى تاپسىرمالارىن ىسكە اسىرۋ بارىسىمەن دە تانىستى. كەڭەس بارىسىندا سەنات دەپۋتاتتارىنا ەكىباستۇز قالاسىن دامىتۋدىڭ 2025 جىلعا دەيىنگى كەشەندى جوسپارى تانىستىرىلدى.