ورالدا توعىز قاباتتى ۇيدەگى ورتتەن 5 ادام قۇتقارىلىپ, 30 ادام ەۆاكۋاتسيالاندى, دەپ حابارلايدى Egemen.kz.
بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي, وقيعا 22 قاراشا كۇنى قۇرمانعازى كوشەسى 210/1- مەكەنجايىندا بولدى. ساعات 13.02-دە 3 جانە 4 قابات اراسىنداعى ەلەكتر قالقانى, سونداي-اق 3-تەن 5 قاباتقا دەيىن 9 مەتر ەلەكتر كابەلى جاندى.
تج دەپارتامەنتىنىڭ كۇشىمەن 5 ادام قۇتقارىلسا, سونىڭ ۇشەۋى – بالالار. وعان قوسا 30 ادام شىعارىلدى, ونىڭ تورتەۋى – بالالار. زارداپ شەككەندەر جوق. ءورت ساعات 13.41-دە وقشاۋلانىپ, 13.56-دا ءسوندىرىلدى.
قازىرگى كەزدە ءورتتىڭ شىعۋ سەبەبى, كەلتىرىلگەن شىعىن, كىنالى ادامدار انىقتالۋ ۇستىندە.