قازاقستاندا 20 381 بالا ۆاكتسينا الدى, دەپ حابارلايدى Egemen.kz.
قر دەنساۋلىق ساقتاۋ مينيسترلىگىنىڭ مالىمەتى بويىنشا, ەلىمىزدە ۆاكتسينا العان بالالاردىڭ سانى 20 مىڭنان اسقان. رەسمي اقپاراتقا سۇيەنسەك, Pfizer ەكپەسىن اقىسىز نەگىزدە 27 554 ادام العان. سونىڭ 20 381-ءى جاسى 12-دەن اسقان جوسوسپىرىمدەر.
ودان بولەك 2 499 جۇكتى ايەل كوروناۆيرۋسقا قارسى ۆاكتسينا قابىلداعان. سونداي-اق بالا ەمىزىپ جۇرگەن 4 674 انا Pfizer ۆاكتسيناسىن سالعىزعان.
ايتا كەتەيىك, بۇگىن قازاقستاندا حالىقتى رەۆاكتسينالاۋ باستالدى. ناۋقان ەكى كەزەڭنەن تۇرادى. وسىعان دەيىن ۆاكتسينانىڭ ەكى دوزاسىن دا سالدىرعاندار جاڭا جىلعا دەيىن ءۇشىنشىسىن قابىلدايدى.
ولار – مەديتسينا قىزمەتكەرلەرى, مۇعالىمدەر, مەديتسينالىق-الەۋمەتتىك مەكەمەلەر مەن جابىق بالالار مەكەمەلەرىنىڭ ماماندارى, سونداي-اق كۇش قۇرىلىمدارىنىڭ قىزمەتكەرلەرى.