شالعاي اۋىلدار سپۋتنيك ارقىلى ينتەرنەتكە قوسىلادى

«كوكتەرەك» عارىشتىق بايلانىس ورتالىعىندا ورنالاسقان تەلەپورتتى قوسۋ ءۇشىن SES كومپانياسىنىڭ ءبىرىنشى بۋىنداعى O3b سپۋتنيكتەرى قولدانىلادى. ينتەرنەتكە قول جەتكىزۋ اقتەرەك جانە بەرىكتاس اۋىلدىق ەلدى مەكەندەرىنىڭ تۇرعىندارى ءۇشىن جۇرگىزىلەتىن بولادى. كومپانيالار تومەن تۇسەتىن ارنا بويىنشا ينتەرنەت جىلدامدىعىن 380 مبيت/س جانە SES O3b سپۋتنيكتىك توپتاماسى ارقىلى 120 مبيت/س قامتاماسىز ەتە الدى.

ايتا كەتسەك, SES الەمدەگى جالعىز كوپ وربيتالىق جەرسەرىكتىك توپتامانى عالامدىق قامتۋ مەن جوعارى ونىمدىلىكتىڭ ەرەكشە ۇيلەسىمىمەن, سونىڭ ىشىندە ءىس جۇزىندە دالەلدەنگەن O3b ورتاشا وربيتالىق جۇيەسىمەن باسقارادى. جەرسەرىكتىك بايلانىس ارنالارى ارقىلى ينتەرنەتكە قولجەتىمدىلىك اۋىلداردا 30 كۇن ىشىندە بەرىلەتىن بولادى.

«تسيفرلىق دامۋ مينيسترلىگىنىڭ نەگىزگى مىندەتتەرىنىڭ ءبىرى بارلىق اۋىلدىق ەلدى مەكەندەردى ينتەرنەت جەلىسىنە كەڭ جولاقتى قولجەتىمدىلىكپەن قامتۋ بولىپ تابىلادى. بۇگىنگى تاڭدا قازاقستانداعى 617 اۋىل جەرۇستى بايلانىس تەحنولوگيالارىنا قوسىلماعان. ءبىز ءارتۇرلى ەلدى مەكەندەردە ينتەرنەتكە جوعارى جىلدامدىقتى قولجەتىمدىلىكتى قامتاماسىز ەتۋ ءۇشىن سپۋتنيكتىك تەحنولوگيالاردى پايدالانۋ ماسەلەسىن زەرتتەپ جاتىرمىز», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى مالىك ولجابەكوۆ نۇر-سۇلتاندا وتكەن ءباسپاسوز كونفەرەنتسياسى بارىسىندا.

«رعبو» اق باسقارما توراعاسى مالىك جۇيرىكتاەۆ ەلىمىزدە شالعاي اۋىلداردا جوعارى جىلدامدىقتى بايلانىس ارنالارىمەن قامتاماسىز ەتۋ ءۇشىن يننوۆاتسيالىق سپۋتنيكتىك تەحنولوگيالاردى قولدانۋ مۇمكىندىكتەرى قاراستىرىلىپ جاتقانىن اتاپ ءوتتى.

«رەسپۋبليكالىق عارىشتىق بايلانىس ورتالىعى قازاقستاننىڭ ۇلتتىق سپۋتنيكتىك وپەراتورى بولا وتىرىپ, ءبىزدىڭ حالىقارالىق ارىپتەستەرىمىزبەن ىنتىماقتاستىقتا ەلىمىزدىڭ تەلەكوممۋنيكاتسيالىق نارىعىنداعى تۇتىنۋشىلارىمىزدىڭ ءوسىپ كەلە جاتقان قاجەتتىلىكتەرىن قاناعاتتاندىرۋ ءۇشىن نەعۇرلىم وڭتايلى يننوۆاتسيالىق تەحنولوگيالىق سپۋتنيكتىك شەشىمدەردى ايقىنداۋ بويىنشا جۇمىس جۇرگىزۋدە. ءبىز بىرقاتار كەلىسسوزدەر جۇرگىزدىك, ءبىزدىڭ ماماندار حالىقارالىق نارىقتا قولدانىلاتىن ۇسىنىستاردى زەرتتەپ جاتىر. وسىنداي قىزىقتى, يننوۆاتسيالىق شەشىمدەردىڭ ءبىرى - SES O3b كومپانياسىنىڭ ورتاشا وربيتالىق سپۋتنيكتىك توپتاماسى. ءبىزدىڭ كەلىسسوزدەرىمىز بەن ىنتىماقتاستىعىمىزدىڭ ناتيجەسى رەتىندە دەمونستراتسيالىق باعدارلاما بولىپ تابىلادى, ونىڭ اياسىندا ءبىز بارلىق قاجەتتى تەستىلىك سىناقتاردى وتكىزۋدى جوسپارلاپ وتىرمىز», دەپ ءتۇسىندىردى مالىك جۇيرىكتاەۆ.

SES كومپانياسىندا اتاپ وتكەندەي, O3b mPOWER سپۋتنيكتىك توبى پايدالانۋعا بەرىلگەننەن كەيىن قۋات ءوسىمىن ارتتىرۋ جوسپارلانۋدا. سونىمەن قاتار, O3b mPOWER ۇكىمەتتىڭ, بيزنەستىڭ جانە ۇيالى بايلانىس وپەراتورلارىنىڭ ءوسىپ كەلە جاتقان قاجەتتىلىكتەرىن قاناعاتتاندىرۋ ءۇشىن ايتارلىقتاي جوعارى ونىمدىلىك پەن يكەمدىلىكتى قامتاماسىز ەتەدى.

ء«بىزدىڭ كوماندا سەرىكتەستەرىمىزبەن بىرگە وسى ءساتتى دەمونستراتسيانى جۇزەگە اسىرۋ ءۇشىن تىنىمسىز جۇمىس جاسادى. ءبىز 380 مبيت/سەك تومەن تۇسەتىن ارنانىڭ جانە 120 مبيت/س جوعارى شىعاتىن ارنانىڭ جىلدامدىعىنا قول جەتكىزدىك, مۇنىڭ قازاقستاننىڭ اۋىلدىق اۋداندارىندا بالاماسى جوق. ءبىز قازاقستانعا ءوز ماقساتتارىنا - اتاپ ايتقاندا ادامدار ءۇشىن بايلانىستى قامتاماسىز ەتۋگە كومەكتەسۋ ءۇشىن «تسيفرلاندىرۋ, عىلىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسىن قولداۋعا تولىعىمەن بەيىلدىمىز. دەمونستراتسيا اياقتالعاننان كەيىن ءبىز ناتيجەلى ىنتىماقتاستىققا ۇمىتتەنەمىز», دەدى SES قارجى ديرەكتورى سانديپ دجالان.

قر تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى مالىك ولجابەكوۆتىڭ ايتۋىنشا, ۆەدومستۆو SES كومپانياسىمەن ءداستۇرلى جەرسەرىكتەردى پايدالانۋ ماسەلەلەرىن شەشۋ ماقساتىندا ەكى جىل بۇرىن ءوزارا ءىس-قيمىلدى باستاعان.

«O3b سپۋتنيكتەرى شەشە الاتىن نەگىزگى مىندەت - شالعايداعى اۋىلدىق ەلدى مەكەندەردى ينتەرنەت جەلىسىنە كەڭ جولاقتى قولجەتىمدىلىكپەن قامتاماسىز ەتۋ», دەپ اتاپ ءوتتى ۆيتسە-مينيستر مالىك ولجابەكوۆ.