اباي اتىنداعى قازۇپۋ باسقارما توراعاسى-رەكتور دارحان ءبىلالوۆ پەن ادامنىڭ ۇيلەسىمدى دامۋى ۇلتتىق ينستيتۋتىنىڭ پرەزيدەنتى ەلەنا ساكەنوۆا ىنتىماقتاستىق مەموراندۋمىنا قول قويدى, دەپ جازادى Egemen.kz.
وسى قۇجات اياسىندا اباي اتىنداعى قازۇپۋ-دا الماتى قالاسى بويىنشا ادامزاتتىڭ ۇيلەسىمدى دامۋى ۇلتتىق ينستيتۋتىنىڭ فيليالى اشىلدى.ءىس-شاراعا «اباي اتىنداعى قازۇپۋ» كەاق ديرەكتورلار كەڭەسىنىڭ ءتورايىمى گۇلميرا يسيمباەۆا, ادامنىڭ ۇيلەسىمدى دامۋى ۇلتتىق ينستيتۋتىنىڭ ءبىرىنشى ۆيتسە-پرەزيدەنتى يسا سامساەۆ جانە ۋنيۆەرسيتەتتىڭ پەداگوگيكا جانە پسيحولوگيا ينستيتۋتىنىڭ وكىلدەرى قاتىستى.
مەموراندۋمنىڭ ماقساتى – ء«وزىن-ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىن ازىرلەۋ جانە ىلگەرىلەتۋ, ياعني عىلىمي-تانىمدىق ماتەريالدارمەن, باسىلىمدارمەن جانە اكادەميالىق اقپاراتتارمەن الماسۋ; ساراپشىلاردىڭ پىكىرىن ەسكەرە وتىرىپ, رۋحاني-ادامگەرشىلىك ءبىلىم بەرۋ سالاسىنداعى زەرتتەۋلەر جانە ولاردىڭ ناتيجەلەرىن تاجىريبەگە ەنگىزۋ; بىرلەسكەن جوبالارعا قاتىسۋ; عىلىمي-زەرتتەۋ جانە يننوۆاتسيالىق قىزمەتتى دامىتۋعا ارنالعان گرانتتارعا وتىنىمدەردى دايىنداۋ; رۋحاني-ادامگەرشىلىك ءبىلىم بەرۋ سالاسىندا الەۋمەتتىك ماڭىزى بار ءىس-شارالاردى وتكىزۋ باعىتتارىن قامتيدى.
بۇگىندە «بوبەك» ۇعپببسو – ۇلتتىق ءبىلىم بەرۋ جۇيەسىنىڭ بارلىق دەڭگەيىندە رۋحاني-ادامگەرشىلىك قۇندىلىقتارىن وقىتۋ جانە تاربيەلەۋ بويىنشا ء«وزىن-ءوزى تانۋ» باعدارلاماسىن كەشەندى عىلىمي-ادىستەمەلىك قامتاماسىز ەتۋدى جۇزەگە اسىراتىن رەسپۋبليكاداعى بىردەن-ءبىر ورتالىق.
«اباي اتىنداعى قازۇپۋ» كەاق ديرەكتورلار كەڭەسىنىڭ ءتورايىمى گۇلميرا يسيمباەۆا فيليالدىڭ اشىلۋى بالالارىمىز بەن جاستارىمىزدىڭ تۇلعالىق دامۋىنا, ولاردىڭ قابىلەتتەرىن انىقتاۋعا جانە جوعارى ازاماتتىق ۇستانىمدى قالىپتاستىرۋعا قىزمەت ەتەتىنىن اتاپ ءوتتى.
دارحان ءبىلالوۆ ىنتىماقتاستىقتىڭ ماڭىزدىلىعىنا توقتالىپ, تۇلعانىڭ, اسىرەسە, جاستاردىڭ دامۋىندا ءوزىن-ءوزى تانۋ ۇلكەن ءرول اتقاراتىنىن, بۇل ستۋدەنتتەردى جاڭا ومىرگە بەيىمدەۋدەگى باستى قادامداردىڭ ءبىرى ەكەنىن اتاپ ءوتتى. ء«وزىن-ءوزى تانۋ رۋحاني وركەندەۋگە, وسكەلەڭ ۇرپاقتىڭ مادەنيەتى مەن ادامگەرشىلىگىن ارتتىرۋعا ىقپال ەتەدى. «ادامگەرشىلىك-رۋحاني قۇندىلىقتاردى جاڭعىرتۋعا ارنالعان ء«وزىن-ءوزى تانۋ» تانىمدىق جوباسىنىڭ اۆتورى سارا الپىسقىزى بولاشاق ۇرپاق تاربيەسىندە دۇرىس باعىت-باعدار بەردى, دەپ اتاپ ءوتتى رەكتور.
ەلەنا ساكەنوۆانىڭ ايتۋىنشا, بۇل باعدارلامانى جۇزەگە اسىرۋدا جەتەكشى ءرول ۇستازعا تيەسىلى. سوندىقتان قازۇپۋ ەلىمىزدىڭ باستى پەداگوگيكالىق جوعارى وقۋ ورنى رەتىندە ادامنىڭ ۇيلەسىمدى دامۋى ۇلتتىق ينستيتۋتىنىڭ فيليالى بولىپ تاڭدالدى. اتالعان ۇيىم باسشىسى فيليالعا بالاباقشا, گيمنازيا جانە كوللەدج بازاسىندا ستۋدەنتتەردىڭ پەداگوگيكالىق پراكتيكاسىن وتكىزۋگە تۇراقتى تۇردە كومەك كورسەتىلىپ, قاجەتتى وقۋ-ادىستەمەلىك وقۋ قۇرالدارىمەن قامتاماسىز ەتىلەتىنىن ايتتى. وسىلايشا, مەموراندۋم اياسىندا اباي ۋنيۆەرسيتەتىندە بالالار مەن جاستاردىڭ قوعامدا جان-جاقتى ۇيلەسىمدى دامۋىنا جانە تابىستى الەۋمەتتەنۋىنە, وسكەلەڭ ۇرپاقتى شىعارماشىلىقتىڭ ءارتۇرلى تۇرلەرىنە تارتۋعا ىقپال ەتەتىن الەۋمەتتىك-پەداگوگيكالىق قولداۋ جانە جەكە دامۋ باعدارلامالارى ىسكە اسىرىلاتىن بولادى. ء«وزىن-ءوزى تانۋ» باعدارلاماسىنىڭ نەگىزى –ادامگەرشىلىك-رۋحاني تاربيە اسپەكتىسىندە گۋمانيتارلىق-پەداگوگيكالىق كادرلاردى دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ بويىنشا جۇمىستار جۇرگىزىلەتىن بولادى.