ەلوردادا حالىق اراسىندا «قازاقتىڭ قوڭىرى» اتانعان قازاقستاننىڭ ەڭبەك سىڭىرگەن ءارتىسى, ءانشى نۇرلان ونەرباەۆتىڭ «ايتىلماعان ءبىر ءانىم بار» اتتى شىعارماشىلىق كەشى ءوتتى.
نۇر-سۇلتان قالاسى اكىمدىگىنىڭ قولداۋىمەن وتكەن كەشكە مۋزىكالىق جاس كورەرمەندەر تەاترىنىڭ ارتىستەرى مەن قازاقستاننىڭ ەڭبەك سىڭىرگەن قايراتكەرلەرى سايات مەدەۋوۆ, توقتار سەرىك پەن بەيبىت سەيدۋالى, «سلاۆيان بازارى-2021» حالىقارالىق فەستيۆالىنىڭ گران-پري يەگەرى رۋحيا بايدۇكەنوۆا, Junior Eurovision-2020 حالىقارالىق بايقاۋىنىڭ لاۋرەاتى ەرجان ماكسيم, «سلاۆيان بازارى-2019» حالىقارالىق فەستيۆالىنىڭ گران-پري يەگەرى ءادىلحان ماكين, قازاقستاننىڭ ەڭبەك سىڭىرگەن قايراتكەرلەرى قانات-سۆەتا ايتباەۆتار, ت.ب. ونەر يەلەرى قاتىسىپ, كەش يەسىنىڭ ورىنداۋىنداعى اندەردى شىرقادى.
شىعارماشىلىق كەش بارىسىندا بەينەارحيۆتەر كورسەتىلىپ, مۋزىكالىق جاس كورەرمەن تەاترىنىڭ ارتىستەرى تەاترلاندىرىلعان كورىنىس ارقىلى كەش يەسىنىڭ انشىلىگىمەن قوسا اكتەرلىك ونەر سالاسىنا دا قوسقان ۇلەسىن, سونىمەن قاتار قازاق راديوسى, تەلەارنالاردىڭ التىن قورلارىنداعى ەڭبەكتەرىن كورسەتتى.