بۇگىن سىبايلاس جەمقورلىققا قارسى قىزمەت توراعاسى م.احمەتجانوۆتىڭ شىمكەنت قالاسىنا جۇمىس ساپارى اياسىندا قالا اكىمى م.ايتەنوۆتىڭ قاتىسۋىمەن سىبايلاس جەمقورلىققا قارسى ءىس-قيمىل ماسەلەلەرى بويىنشا كەڭەيتىلگەن كەڭەس ءوتتى, دەپ حابارلايدى Egemen.kz.
ءىس-شارا مەملەكەتتىك جانە قۇقىق قورعاۋ ورگاندارى باسشىلارىنىڭ, دەپۋتاتتاردىڭ, ساياسي پارتيالار, ەتنومادەني بىرلەستىكتەر مەن جۇرتشىلىق وكىلدەرىنىڭ قاتىسۋىمەن ءوتتى.
م. احمەتجانوۆ ءوز سوزىندە ازىرلەنىپ جاتقان 2022-2026 جىلدارعا ارنالعان قر سىبايلاس جەمقورلىققا قارسى ساياساتىنىڭ تۇجىرىمداماسىنا ەگجەي-تەگجەيلى توقتالدى.
ول تۇجىرىمدامانىڭ نوۆەللالارىنىڭ ءبىرى نەگىزسىز بايۋ جانە شىعىستاردىڭ كىرىستەردەن اسىپ كەتۋى ءۇشىن جاۋاپكەرشىلىكتى ەنگىزۋ بولىپ تابىلاتىنىن اتاپ ءوتتى. بۇل قارجىلىق تەكسەرۋدى باستاۋ ءۇشىن سيگنال بولادى.«بۇگىندە جاڭا تالاپتار بويىنشا بارلىق مەملەكەتتىك ورگانداردا جوبالىق باسقارۋ ەنگىزىلۋدە. ەل دامۋىنىڭ بارلىق جالپىۇلتتىق باسىمدىقتارى ەندى وسى قاعيداتتار ارقىلى ىسكە اسىرىلاتىن بولادى. سوندىقتان, قازىر بارلىق مەملەكەتتىك ورگاندار ءۇشىن ۇلتتىق جوبالاردان باسقا 6 نەگىزگى مىندەتتى جوبالىق باعىت انىقتالدى. ولاردىڭ ءبىرى «سىبايلاس جەمقورلىقتىڭ الدىن الۋ جانە وعان قارسى ءىس-قيمىل» بولىپ تابىلادى. سىبايلاس جەمقورلىققا قارسى بارلىق باستامالار وسى باعىت اياسىندا جۇزەگە اسىرىلاتىن بولادى», دەپ اتاپ ءوتتى م. احمەتجانوۆ.اگەنتتىك باسشىسىنىڭ مالىمەتىنشە, 2019 جىلدان باستاپ جىل سايىن 100-دەن استام سىبايلاس جەمقورلىق قىلمىستارى تىركەلەدى, 70-تەن استام لاۋازىمدى تۇلعا قىلمىستىق جاۋاپكەرشىلىككە تارتىلادى.
سونىمەن قاتار, وتىرىس بارىسىندا وسى جىلدىڭ 10 ايىنداعى وڭىردەگى سىبايلاس جەمقورلىققا قارسى ءىس-قيمىل جۇمىستارىنىڭ قورىتىندىلارى قارالدى.
ءىس-شارا سوڭىندا قالا باسشىسى م.ايتەنوۆ سىبايلاس جەمقورلىقتىڭ الدىن الۋ جانە وعان قارسى ءىس-قيمىل بويىنشا جۇرگىزىلىپ جاتقان جۇمىستار تۋرالى حاباردار ەتىپ, بىرقاتار تاپسىرمالار بەردى.