ۇلتتىق كەڭەس «حالىق ۇنىنە قۇلاق اساتىن مەملەكەت» تۇجىرىمداماسىن ءتيىمدى ىسكە اسىراتىن قۇرىلىم رەتىندە قالىپتاستى. بۇل تۋرالى ۇلتتىق قوعامدىق سەنىم كەڭەسىنىڭ 6-وتىرىسىندا قر پرەزيدەنتى اكىمشىلىگىنىڭ باسشىسى ەرلان قوشانوۆ ايتتى, دەپ حابارلايدى Egemen.kz.
«بيىل ۇلتتىق كەڭەستىڭ قۇرامى ايماقتاعى بەلسەندى ازاماتتارمەن تولىقتى. سونىڭ ناتيجەسىندە كەڭەس اياسىندا بىرقاتار وڭىرلىك ماسەلەلەر مۇقيات زەردەلەنۋدە. وسى باعىتتاعى جۇمىس الداعى ۋاقىتتا دا جالعاسىن تاباتىن بولادى. كەڭەس مۇشەلەرى ناقتى ۇسىنىستار ازىرلەۋمەن بىرگە رەفورمالاردى ويداعىداي جۇزەگە اسىرۋعا اتسالىسىپ كەلەدى. ارىپتەستەرىمىز پارلامەنت پالاتالارى مەن مينيسترلىكتەر جانىنداعى جۇمىس توپتارىنىڭ جيىندارىنا دا قاتىسۋدا. وسىلايشا ۇلتتىق كەڭەس پرەزيدەنتىمىزدىڭ «حالىق ۇنىنە قۇلاق اساتىن مەملەكەت» تۇجىرىمداماسىن ءتيىمدى ىسكە اسىراتىن قۇرىلىم رەتىندە قالىپتاستى», دەدى وتىرىستى اشقان ەرلان قوشانوۆ.
ونىڭ ايتۋىنشا, پاندەميا جاعدايىنداعى كارانتيندىك شەكتەۋلەرگە بايلانىستى كەڭەس وتىرىسى ونلاين فورماتتا وتكىزىلۋدە.
جيىنعا ۇلتتىق كەڭەس مۇشەلەرى 7 وڭىردەن قاتىسىپ وتىر.