يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قازاقستانداعى اۆتوموبيلدەر باعاسىنىڭ ءوسۋى نەمەن بايلانىستى ەكەنىن ءتۇسىندىردى, دەپ حابارلايدى Egemen.kz.
«كوبىسى قازاقستاندا شىعارىلاتىن بازالىق ماركالارعا سىلتەمە جاسايدى, بىراق سول ۋاقىتتا باعالار قازاقستاندا مۇلدەم شىعارىلمايتىن BMW, Mercedes, Toyota سياقتى باسقا ماركالارعا دا ءوستى», دەدى اتامقۇلوۆ ۇكىمەت وتىرىسىندا.
ءمينيستردىڭ ايتۋىنشا, باعانىڭ ءدال وسىنداي ءوسۋى رەسەيدە, قىتاي جانە ەۋروپا نارىقتارىندا ورىن العان.
«بىرىنشىدەن, بۇل كەيىنگە قالدىرىلعان سۇرانىستىڭ «ەڭبەگى». پاندەميا شىڭى كەزىندە ادامدار ءىس جۇزىندە ۇيدە وتىردى, بانكتەر جۇمىس ىستەمەدى. اۆتوكولىكتەرگە, تۋريستىك قىزمەتتەرگە سۇرانىس تومەندەدى. ەندى تالاپتار جەڭىلدەپ, ساۋدا قىزمەتتەرى بويىنشا ۇلكەن ءوسىم بايقالدى. ءدال وسى ۋاقىتتا ەلەكتروندى سحەمالاردىڭ چيپتەرىن جەتكىزۋ جۇيەسىندە سۇرانىس پەن اقاۋ پايدا بولدى», دەپ ءتۇسىندىردى يندۋستريا مينيسترلىگىنىڭ باسشىسى.
ول اۆتوموبيلدەردىڭ نەگىزگى جەتكىزۋشىلەرى – تايۆان مەن قىتايعا سانكتسيالار سالىنعانىن اتاپ ءوتتى.
باسقا ەلدەردەگى كەيبىر كومپانيالار ءوندىرىستى توقتاتا تۇرعان كەزدە, قازاقستاندا وتاندىق اۆتوونەركاسىپ وسۋدە. ءمينيستردىڭ ايتۋىنشا, بيىل 65 مىڭ اۆتوكولىك وندىرىلگەن.