بۇگىن قر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى استانا جانە قازاقستان ءميتروپوليتى الەكساندرمەن كەزدەستى, دەپ حابارلايدى Egemen.kz.
م.تىلەۋبەردى كونفەسسياارالىق كەلىسىمنىڭ قازاقستاندىق مودەلىنىڭ ەرەكشە ءرولىن جانە بيىلعى 6 قازاندا وتكەن الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ كەزەكتى وتىرىسىنىڭ وڭ ناتيجەلەرىن اتاپ ءوتتى.
ميتروپوليت ورىس پراۆوسلاۆيە شىركەۋىنىڭ ەلىمىزدەگى كونفەسسياارالىق كەلىسىمدى نىعايتۋعا قوسقان ۇلەسى تۋرالى حابارلادى. الەمدىك جانە ءداستۇرلى دىندەر ليدەرلەرىنىڭ VII سەزى 2022 جىلعى 14-15 قىركۇيەكتە نۇر-سۇلتان قالاسىندا وتەدى. الداعى سەزدىڭ باستى تاقىرىبى «پاندەميادان كەيىنگى كەزەڭدە ادامزات وركەنيەتىنىڭ رۋحاني جانە الەۋمەتتىك دامۋىنداعى الەمدىك جانە ءداستۇرلى دىندەر كوشباسشىلارىنىڭ ءرولى».