ءۇندىستاندا دەنە بەزگەگى بەلسەندى تارالا باستادى. قاتەرلى ىندەتتى قاراشا ايىنىڭ باسىنان بەرى جۇقتىرعاندار سانى 117 مىڭعا جۋىقتاپ قالعان, دەپ حابارلايدى Egemen.kz.
بۇل تۋرالى حابار24 جازادى.
ناۋقاستاردىڭ 90 پروتسەنتى ەلدىڭ سولتۇستىگىندە تىركەلگەن. ءبىر عانا نيۋ-دەليدە 1 جارىم ايدىڭ ىشىندە 2700 تۇرعىن دەنە بەزگەگىنە شالدىققان. بۇل قاڭتار مەن قىركۇيەك ارالىعىندا اۋىرعان ادامدار سانىنان 5 ەسە كوپ. ۇكىمەت 9 شتاتقا مەديتسينا توپتارىن جىبەردى.
ساراپشىلار ىندەتتىڭ تارالۋىن جاۋىن-شاشىننىڭ ادەتتەگىدەن كوپ ءتۇسىپ, سونىڭ سالدارىنان شىبىن-شىركەيدىڭ قاپتاپ كەتكەنىمەن تۇسىندىرەدى. قازاندا نيۋ-دەليدە سوڭعى 61 جىلدا جاۋماعان مولشەردە اق جاۋىن قۇيعان.
«دەنە بەزگەگىن جۇقتىرعانداردا قان جاسۋشالارى مەن ترومبوتسيتتەر سانى ازايىپ جاتىر. بۇل ولىمگە اكەلەتىندەي اسا قاۋىپتى بەلگىلەر ەمەس», دەيدى مەديتسينا ساراپشىسى انيل ۆيز.