شىعىس قازاقستان وبلىسىندا مۇزعا قۇلاعان بالىقشى كوز جۇمدى, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 14 قاراشا كۇنى ساعات 16:22-دە كۇرشىم اۋدانىنداعى بۇقتىرما سۋ قويماسىندا ەكى ەر ادام مۇز استىنا ءتۇسىپ كەتكەن.
«47 جاستاعى ەر ادام سۋدان شىعىپ ۇلگەرگەنىمەن 50 جاستاعى ازامات باتىپ كەتتى. وقيعا ورنىنا كەلىپ جەتكەن قۇتقارۋشىلار بالىقشىنىڭ دەنەسىن تاۋىپ, الىپ شىقتى. بەلگىلى بولعانداي, ەر ادامدار مۇزعا شىققان كەزدە قۇتقارۋ كەۋدەشەلەرىن كيمەگەن», دەپ حابارلادى ۆەدومستۆو وكىلدەرى.
ايتا كەتەيىك, شىعىس قازاقستاندا جىل باسىنان بەرى بالىق اۋلاۋ كەزىندەگى قاۋىپسىزدىك شارالارىن ەلەمەگەن 4 ادام سۋعا باتىپ كەتتى.