لەكتوري اياسىندا قوستاناي وبلىسى اكىمىنىڭ ورىنباسارى ب.ەسىموۆانىڭ, قحا كەڭەسىنىڭ مۇشەلەرىنىڭ, مەملەكەتتىك ورگاندار مەن قوعام وكىلدەرىنىڭ قاتىسۋىمەن پلەنارلىق وتىرىس ءوتتى.
كەزدەسۋدە ەتنومادەني بىرلەستىكتەر مەن ءوڭىر جۇرتشىلىعىنىڭ باسشىلارىنا مەملەكەت باسشىسىنىڭ قازاقستان حالقى اسسامبلەياسىنىڭ XXIX سەسسياسىندا ايتقان ەتنوسارالىق قاتىناستار سالاسىنداعى جاڭا قاعيداتتارى مەن كونتسەپتۋالدىق تاسىلدەرى, سونداي-اق دياسپورالدىق ساياسات سالاسىنداعى جۇمىس جەتكىزىلدى.
سونىمەن قاتار ەتنومادەني بىرلەستىكتەردىڭ وكىلدەرىمەن, فەدوروۆ اۋدانىنىڭ مۇعالىمدەرىمەن جانە قانداستارىمەن, سونداي-اق ءوڭىردىڭ ونەركاسىپتىك كاسىپورىندارى بازاسىندا قحا قوعامدىق قۇرىلىمدارىمەن بىرقاتار كەزدەسۋلەر ءوتتى.
كەزدەسۋلەردە قحا جانە ونىڭ قوعامدىق قۇرىلىمدارىنىڭ ءوڭىر ومىرىندەگى ءرولى, قانداستاردىڭ بەيىمدەلۋى جانە شەتەلدە تۇراتىن وتانداستارمەن مادەني-گۋمانيتارلىق بايلانىستاردى ودان ءارى دامىتۋ, تۋرالى ءتۇرلى ماسەلەلەر قوزعالدى.
ءوڭىردىڭ ەتنومادەني بىرلەستىكتەرى مەن كاسىپورىندارى ەتنوستاردىڭ مادەنيەت, ءبىلىم, سپورت, ونەركاسىپ جانە بيزنەستىڭ ءتۇرلى سالالارىنداعى جەتىستىكتەرىنىڭ كورمەلەرىن ۇيىمداستىردى.