بەلگىلى پروموۋتەر ەددي حيرن ورتا سالماقتاعى الەم چەمپيونى گەننادي گولوۆكين مەن ەكىنشى ورتا سالماقتاعى الەمنىڭ ءابسوليۋتتى چەمپيونى ساۋل الۆارەس اراسىنداعى ءۇشىنشى جەكپە-جەككە قاتىستى پىكىرىن ءبىلدىردى, دەپ حابارلايدى Egemen.kz.
«البەتتە, ساۋل الۆارەس ءۇشىن گەننادي گولوۆكينگە قارسى تريلوگيا ەڭ ۇلكەن شايقاس ەكەنى داۋسىز. بۇل جەكپە-جەك 168 فۋنت سالماقتا وتەدى. تريلوگيانىڭ اۋقىمى قازىرگى تاڭدا بۇرىنعىدان دا كەڭ», دەدى ول.
بۇعان دەيىن «كانەلونىڭ» ءوزى گولوۆكينمەن ەكىنشى ورتا سالماقتا عانا كەزدەسەتىنىن ايتقان بولاتىن. ەددي ءحيرننىڭ گولوۆكينمەن قويان-قولتىق جۇمىس ىستەيتىنىن ەسكەرسەك, گولوۆكين الۆارەستىڭ تالابىنا كونگەنىنە بەك سەنىمدىمىز.