رەسەيدىڭ پەرم قالاسىندا جەرگىلىكتى كوللەدج ستۋدەنتى دوسىمەن حات جازىسقانى ءۇشىن ۇستالدى. الەۋمەتتىك جەلىدەگى جازبادا ول وقىتۋشىلاردى اتقىسى كەلەتىنى تۋرالى ايتقان, دەپ حابارلايدى Egemen.kz.
وسى جىلى عانا ءبىرىنشى كۋرس ستۋدەنتى اتانعان ءجاسوسپىرىم وقىتۋشىلارعا ىشتەي نارازى بولعان. ول دوسىنا سەرىكتەس بولۋدى جانە وقۋ ورنىندا جاپپاي كىسى ءولتىرۋدى ۇسىنعان. جاس جىگىت قىلمىستىق ارەكەتتى ءوزىنىڭ كامەلەت جاسىنا تولعان تۋعان كۇنىندە ىسكە اسىرعىسى كەلگەن.
بارلىق ۇستازداردى ولتىرۋگە بەل بۋعان ستۋدەنت تەك كۋراتورىنىڭ عانا امان قالعانىن قالاعان. مۇعالىمدەردى ولتىرگەن سوڭ ول ءوز-وزىنە قول جۇمساۋدى جوسپارلاعان.
الايدا ونىڭ دوسى مۇنداي جوسپاردان قورقىپ, ونى قۇربىسىنا ايتقان. قۇربىسى پوليتسيا قىزمەتكەرلەرىنە حابارلاعان. بۇگىندە تەرگەۋشىلەر ستۋدەنتتەن تەلەفونىن الىپ, ونىڭ جازبالارىن تولىق زەرتتەۋدە.