قىزىلوردادا وبلىس اكىمى گۇلشارا ابدىقالىقوۆانىڭ توراعالىعىمەن ەنەرگەتيكا سالاسىنداعى وزەكتى ماسەلەلەر بويىنشا وتىرىس ءوتىپ, وندا ايماقتاعى ەلەكتر جارىعىنىڭ تاپشىلىعى تالقىلاندى.
وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى ەرلان جاڭاباەۆ ورىن العان شەكتەۋلەر بويىنشا احۋالدى باياندادى. بۇگىندە ءوڭىردىڭ جالپى ەلەكتر ەنەرگياسىن تۇتىنۋ كولەمى – 172 مەگاۆاتت. ونىڭ 51 مەگاۆاتىن «قىزىلورداجىلۋ-ەلەكترورتالىعى», 10 مەگاۆاتىن «CKز-U» سەرىكتەستىگى وندىرەدى, قالعانى سىرتتان جەتكىزىلەدى.
سوڭعى كۇندەرى وبلىس بويىنشا تاۋلىگىنە ورتاشا ەسەپپەن 30-50 مەگاۆاتت ەلەكتر ەنەرگياسىنىڭ جەتىسپەۋشىلىگى بايقالىپ, كۇندەلىكتى كەشكى ساعات
18.00-20.00 ارالىعىندا تۇتىنۋشىلارعا ەلەكتر ەنەرگياسىنىڭ بەرىلۋى شەكتەلدى. مەكتەپتە تۇستەن كەيىن وقيتىن بالالار ساباقتان قايتاتىن مەزگىلدە جارىقتىڭ بولماۋى كوپتەگەن تۇرعىنداردىڭ رەنىشىن تۋدىرعان بولاتىن.
وتىرىستا ەنەرگەتيكا مينيسترلىگى جامبىل گرەس-ءىنىڭ 3 جانە 4 بلوگىن ىسكە قوسۋعا شەشىم قابىلداپ وتىرعانى ايتىلدى. بۇل الداعى ۋاقىتتا وڭتۇستىك ءوڭىردى, ونىڭ ىشىندە قىزىلوردا وبلىسىن ەلەكتر ەنەرگياسىمەن تولىق قامتۋعا مۇمكىندىك بەرەدى. ايماقتاعى ەنەرگيامەن جابدىقتاۋشى ۇيىمدار جامبىل گرەس-ىمەن قاجەتتى ەلەكتر ەنەرگياسىنىڭ كولەمىن الۋعا قوسىمشا كەلىسىمشارت جاساستى. الدا وڭىرگە قاجەتتى ەلەكتر ەنەرگياسى جەتكىزىلىپ, شەكتەۋلەر توقتاتىلادى.
ءوڭىر باسشىسى تابيعي مونوپوليالاردى رەتتەۋ كوميتەتىنىڭ قىزىلوردا وبلىسى بويىنشا دەپارتامەنتى ەنەرگيا جابدىقتاۋشى ۇيىمدار ۇسىنعان ەلەكتر ەنەرگياسىنىڭ شەكتى باعاسى ءوتىنىمىن قاراپ, ۇسىنىس ەنگىزۋ قاجەتتىگىن قاپەرگە سالدى. سونداي-اق ەلەكتر ەنەرگياسى جايىنداعى شاعىمداردى ەسكەرىپ, سالالىق ورىنباسارى مەن قالا اكىمىنە, باسقا دا جاۋاپتى ماماندارعا تۇرعىندار اراسىندا ناقتى تۇسىندىرمە جۇمىستارىن كۇشەيتۋدى تاپسىردى.
– سىزدەر قازىرگى جاعدايعا بايلانىستى قاجەتتى كەلىسىمدەر مەن ناقتى مەحانيزمدەردى قابىلداۋعا مىندەتتىسىزدەر. جەتىسپەۋشىلىك بولعان جاعدايدا ەلەكتر تاراتۋ مەكەمەلەرىندەگى رەزەرۆتىك رەسۋرستاردى پايدالانىپ, جۇرت قينالماستاي امال جاساۋ قاجەت. تۇرعىندار جارىق پەن جىلۋدان قيىندىق كورمەۋى ءتيىس,– دەدى گ.ابدىقالىقوۆا.
جيىن سوڭىندا وبلىس اكىمى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى مەن كوممۋنالدىق مەكەمە باسشىلارىنا جىلۋ بەرۋ ماۋسىمىنىڭ تۇراقتى ءوتۋىن قامتاماسىز ەتۋدى تاپسىردى.
قىزىلوردا وبلىسى