تەرگەۋ كوميتەتى رەسەيلىك ارالاس جەكپە-جەك شەبەرى ۋسمان نۋرماگومەدوۆقا قاتىستى قىلمىستىق ءىس قوزعادى, دەپ حابارلايدى Egemen.kz.
ءىس رف قك 318-بابى بويىنشا (بيلىك وكىلىنىڭ ءوز لاۋازىمدىق مىندەتتەرىن اتقارۋىنا بايلانىستى ونىڭ ومىرىنە نەمەسە دەنساۋلىعىنا قاۋىپتى ەمەس كۇش قولدانۋ) قوزعالدى.
نۋرماگومەدوۆ مىنگەن كولىك كاسپيسك اۋەجايىنىڭ جانىنداعى باقىلاۋ-وتكىزۋ پۋنكتىندە پوليتسيا قىزمەتكەرىن قاعىپ كەتتى. سپورتشى ماسكەۋدە ۇستالدى.
ەرەجە بۇزعان ۋسمان UFC-ءدىڭ ەكس چەمپيونى حابيب نۋرماگومەدوۆتىڭ نەمەرە ءىنىسى. ول Bellator ۇيىمىنىڭ سپورتشىسى رەتىندە سەگىزبۇرىشتا باق سىناپ جۇرگەن بولاتىن.