بۇگىن ءال-فارابي اتىنداعى قالالىق عىلىمي-امبەباپ كىتاپحاناسىندا «شىمكەنت قالاسىنىڭ ەنتسيكلوپەدياسى» كىتابىنىڭ قۇراستىرىلۋىنا وراي كەڭەس جيىن ءوتتى, دەپ جازادى Egemen.kz.
جيىنعا شىمكەنت قالالىق ءماسليحاتىنىڭ حاتشىسى ب.نارىمبەتوۆ, وقمۋ رەكتورى گ.سۇگىرباەۆا, جازۋشى م.بايعۇت, ەنتسيكلوپەديانى قۇراستىرۋشى رەداكتور, جازۋشى م.ابداكىم ۇلى جانە وزگە دە زيالى قاۋىم وكىلدەرى قاتىستى.
ەنتسيكلوپەديانى قۇراستىرۋداعى ماقسات - شىمكەنت قالاسىنىڭ كونە زامانداردان باستاپ بۇگىنگە دەيىنگى تاريحي جانە ايتۋلى كەزەڭدەرىن, كيەلى جەرلەرى مەن ەسكەرتكىشتەرىن, وقۋ-اعارتۋ, مادەنيەت, ءوندىرىس, جول قۇرىلىسى, ونەركاسىپ, قالاعا ەڭبەگى سىڭگەن ازاماتتار مەن قوعام قايراتكەرلەرىنىڭ, اقىن-جازۋشىلاردىڭ, عالىمداردىڭ, ونەر ادامدارىنىڭ, ەڭبەك وزاتتارىنىڭ, سپورتشىلار مەن سۋرەتشىلەردىڭ ءومىرباياندارى, تاۋەلسىزدىك جىلدارىنداعى اكىمدەر مەن اكىمشىلىك قىزمەتكەرلەرىنىڭ, اۋدان اكىمدەرىنىڭ, جەتكەن جەتىستىكتەر مەن قالا كولەمىندە ىسكە اسقان وزگەرىستەر, جاڭالىقتارمەن تانىستىرۋ.
م. ابداكىم ۇلى جوسپار بويىنشا ەنتسيكلوپەديا قالا تاريحىنان باستالاتىنىن, تاريحتى كەزەڭ-كەزەڭىمەن بەرگەن سوڭ, وزگە مالىمەتتەر الفاۆيتتىك نەگىزدە ۇسىنىلاتىنىن جەتكىزدى.
كەڭەس بارىسىندا ۇيىمداستىرۋ القاسىنىڭ مۇشەلەرى جارىققا شىققالى وتىرعان ەنتسيكلوپەدياعا ەنەتىن مالىمەتتەر, تۇلعالار جايىندا جانە جالپى ماتەريالدار تۋرالى پىكىرلەر مەن ۇسىنىستارىن ورتاعا سالدى.