پولشا سىرتقى ىستەر ءمينيسترى زبيگنەۆ راۋ مەن تۇركيا ءسىم باسشىسى مەۆليۋت چاۆۋشوگلۋ تەلەفون ارقىلى سويلەسىپ, بەلورۋسسيا مەن ەۋروپالىق وداق (ەو) شەكاراسىنداعى ميگرانتتارمەن جاعدايدى تالقىلادى. بۇل تۋرالى پولشا ءسىم ءوزىنىڭ Twitter-دەگى پاراقشاسىندا جاريالاندى, دەپ حابارلايدى Egemen.kz.
ۆەدومستۆونىڭ مالىمدەمەسىنە سايكەس, انكارا پولشاعا قولداۋ كورسەتەدى جانە ەلدەر ناتو وداقتاستارى رەتىندە بەلورۋسسيا پرەزيدەنتى الەكساندر لۋكاشەنكونىڭ كورشى ەلدەرگە قارسى «گيبريدتى شابۋىل» رەتىندە ميگرانتتاردى پايدالانۋىنا قارسى تۇرۋ ءۇشىن جۇمىس ىستەيدى.
ۆارشاۆا مەن انكارا اراسىنداعى كەلىسسوزدەر تۇركيا تاراپىنىڭ باستاماسىمەن ءوتتى. بۇعان دەيىن ليتۆا پرەمەر-ءمينيسترى ينگريدا شيمونيت ليتۆا مەن پولشا شەكارالارىنداعى كوشى-قون داعدارىسى مينسكنىڭ سىرتقى ەكونوميكالىق قىسىمعا رەاكتسياسى بولدى دەپ مالىمدەدى.
ميگرانتتاردىڭ ەۋروپالىق وداقتىڭ (ەو) شىعىس شەكارالارىنا اعىلۋىنىڭ سەبەبى رەتىندە ول ەو بەلورۋسسياعا ەنگىزگەن سانكتسيالاردى اتادى. ءشيمونيتتىڭ ايتۋىنشا, مينسك كوشى-قون داعدارىسىن تۋدىردى, ويتكەنى ەۋروپالىق وداقتىڭ شەكتەۋ شارالارى بەلورۋسسيا ەكونوميكاسىنا ايتارلىقتاي زيان تيگىزەدى.