ەو سوتى ەۋروپالىق كوميسسيانىڭ Google-گە 2,8 ميلليارد ايىپپۇل سالۋ جونىندەگى شەشىمىن ماقۇلدادى, دەپ حابارلايدى Egemen.kz.
ەۋروپالىق جالپى يۋريسديكتسيا سوتى ەۋروپالىق كوميسسيانىڭ Google-گە مونوپولياعا قارسى زاڭنامانى بۇزعانى ءۇشىن 2,4 ميلليارد ەۋرو (2,8 ميلليارد دوللار) ايىپپۇل سالۋ تۋرالى شەشىمىن قولدادى.
ەۋروپالىق باسىلىمداردىڭ جازۋىنشا, 2017 جىلدىڭ ماۋسىم ايىندا ەۋروپالىق وداقتىڭ (ەو) اتقارۋشى ورگانى ينتەرنەتتەگى ىزدەۋ جۇيەلەرى نارىعىنداعى ۇستەم جاعدايدى تەرىس پايدالانعانى ءۇشىن Google-گە 2,4 ميلليارد ەۋرو ايىپپۇل سالۋ تۋرالى شەشىم قابىلدادى. كومپانيانىڭ بولىمشەسى بۇل شەشىمگە جوعارعى سوتتا قارسى شىقتى.
سودان كەيىن كورپوراتسيانىڭ باس كەڭەسشىسى كەنت ۋوكەر: «Google ەۋروپالىق كوميسسيانىڭ شەشىمىن قۇرمەتتەيدى, بىراق كەلىسپەيدى» دەپ مالىمدەدى جانە كومپانيانىڭ نارىقتاعى ارەكەتتەرى جارناما بەرۋشىلەر ءۇشىن دە, پايدالانۋشىلار ءۇشىن دە پايدالى ەكەنىن ايتتى. الايدا, جالپى يۋريسديكتسيا سوتى ۇكىمدى كۇشىندە قالدىردى. شەشىمگە شاعىمدانۋعا جانە ەو جوعارعى سوتىنا جىبەرۋگە بولاتىندىعى ايتىلدى.
8 قاراشا كۇنى ماسكەۋدىڭ تاگانسكي اۋداندىق سوتى رەسەيدە تىيىم سالىنعان اقپاراتتى ءوز رەسۋرستارىنان الىپ تاستاۋدان باس تارتقانى ءۇشىن Google جانە Telegram-عا التى ميلليون رۋبل ايىپپۇل سالعانى بەلگىلى بولدى. اتاپ ايتقاندا, Google ەكى ميلليون تولەۋگە مىندەتتەلدى, ال Telegram-عا ءتورت ميلليون ايىپپۇل سالىندى.