نۇر-سۇلتان قالاسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قايسار مانقاراەۆ ەلورداداعى جۇمىسسىزدىق دەڭگەيى جونىندە ايتتى, دەپ حابارلايدى Egemen.kz.
باسقارما باسشىسى حابارلاعانداي, ءبىرىنشى جارتىجىلدىقتىڭ قورىتىندىسى بويىنشا شاعىن جانە ورتا بيزنەس سالاسىندا ءونىم شىعارۋ كولەمى 3 ترلن 981 ملرد تەڭگەنى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 38,7%-عا ارتىق.
«2021 جىلدىڭ ەكىنشى توقسانىندا جۇمىسسىزدىق دەڭگەيى 4,6%-دى قۇرادى. كاسىپكەرلىكتى دامىتۋدىڭ ۇلتتىق جوباسىن ىسكە اسىرۋ جىل سايىن ەكونوميكانىڭ سەرۆيستىك سالالارىندا باسىم تۇردە 23 مىڭ تۇراقتى جۇمىس ورنىن قۇرۋعا مۇمكىندىك بەرەدى», دەدى قايسار مانقاراەۆ ەلوردالىق ماسليحاتتاعى تۇراقتى كوميسسيا وتىرىسىندا.
9 ايدىڭ ىشىندە نۇر-سۇلتانداعى ونەركاسىپتىك ءوندىرىس 12,6%-دىق وسىممەن 982,5 ملرد تەڭگەنى قۇرادى. جىل باسىنان بەرى 2 ملن شارشى مەتردەن استام تۇرعىن ءۇي پايدالانۋعا بەرىلدى, بۇل 2020 جىلدىڭ كورسەتكىشىنەن 11%-عا جوعارى.