سىبايلاس جەمقورلىققا قارسى قىزمەت باس كولىك پروكۋراتۋراسىمەن بىرلەسىپ كولىكتەردى تەحنيكالىق تەكسەرۋدىڭ جالعان دياگنوستيكالىق كارتالارىن بەرۋمەن اينالىسقان ۇيىمداسقان قىلمىستىق توپ قىزمەتىنىڭ جولىن كەستى, دەپ حابارلايدى Egemen.kz.
بارلىق ەل اۋماعىندا جالعان تۇلعالارعا تەك «قاعازدا» عانا بار 28 فيرما رەسىمدەلگەن.
تىركەلگەن مەكەنجايلار بويىنشا تەحنيكالىق تەكسەرۋ ورتالىقتارى بولماعان, تيىسىنشە, قولدانىستاعى زاڭناما تالاپتارىنا سايكەس قاجەتتى تەحنيكالىق جابدىقتارى, ماماندارى, جۇمىس ىستەيتىن ورىندارى بولماعان.
قىلمىستىق توپتى كولىك كوميتەتىنىڭ كولىكتىك باقىلاۋ جۇرگىزۋ جانە مۇنداي فاكتىلەرگە جول بەرمەۋ مىندەتتەرى جۇكتەلگەن لاۋازىمدى تۇلعالارى باسقارعان.
2017 جىلدان باستاپ بۇگىنگى كۇنگە دەيىن ۇقت مۇشەلەرى ءىس جۇزىندە تەحنيكالىق تەكسەرۋسىز 260 مىڭنان استام دياگنوستيكالىق كارتا جاساعان. مۇنداي «قىزمەت» ءبىر اۆتوكولىك ءۇشىن 5 مينۋتتىق ۋاقىتتى جانە 2 مىڭ تەڭگەنى قاجەت ەتكەن.
تەرگەۋ بارىسىندا بۇل قىزمەتتەرگە جۇگىنگەن اۆتوكولىك يەلەرىنە دە قۇقىقتىق باعا بەرىلەدى.
انتيكور قولدانىستاعى زاڭناماعا ءتيىستى وزگەرىستەر ەنگىزۋ, سونداي-اق ء«فورمالدى تەحنيكالىق تەكسەرۋلەر» جۇرگىزۋ فاكتىلەرىن جويۋعا قاتىستى بارلىق شارالاردى قابىلدايتىن بولادى.