ۋكراينانىڭ «سلۋگا نارودا» پرەزيدەنتتىك پارتياسىنىڭ باسشىسى الەكساندر كورنيەنكو قىزمەتىنەن كەتتى, دەپ حابارلايدى Egemen.kz.
ۋكراينا پارلامەنتىنىڭ ءبىرىنشى ۆيتسە-سپيكەرى الەكساندر كورنيەنكو «سلۋگا نارودا» پرەزيدەنتتىك پارتياسىنىڭ باسشىسى قىزمەتىن بوساتۋ تۋرالى شەشىم قابىلدادى. بۇل تۋرالى پارلامەنتتىك فراكتسيانىڭ ءباسپاسوز حاتشىسى يۋليا پاليچۋك مالىمدەدى.
كورنيەنكو قازان ايىندا جوعارعى رادا باسشىلىعىنا سايلاندى. بۇعان دەيىن ول ساياسي بيلىكتى باسقارۋدى جالعاستىراتىنىن جانە ءبىرىنشى ۆيتسە-سپيكەر لاۋازىمىنا سايلانعاننان كەيىن بۇعان زاڭمەن تىيىم سالىنبايتىنىن ايتقان بولاتىن.
«الەكساندر كورنيەنكو «سلۋگا نارودا» ساياسي پارتياسىنىڭ توراعاسى قىزمەتىن بوساتۋ تۋرالى شەشىم قابىلدادى. بۇل ونىڭ پارلامەنت جۇمىسىن رەفورمالاۋعا, ءبىرىنشى ۆيتسە-سپيكەر لاۋازىمىنا تەرەڭىرەك كوڭىل ءبولۋ نيەتىمەن بايلانىستى. قاراشا ايىندا پارتيانىڭ سەزى وتەدى, وندا باسشىلىققا كىم كەلەتىنى ءمالىم بولادى», دەدى پاليچۋك.