قارجى احۋالىنا قىسىم جوق

2021 جىلدىڭ ءبىرىنشى جارتىسىندا جەكە تۇلعالاردىڭ بانك الدىنداعى قارىزى 8,6 ترلن تەڭگەگە جەتكەن. بۇل 2020 جىلدىڭ كورسەتكىشىنەن 26 پايىزعا كوپ. 5 ترلن تەڭگەگە جۋىق نەگىزگى قارىز تۇتىنۋشىلىق نەسيەلەرگە تيەسىلى. سونىمەن قاتار نە­سيەنىڭ ورتاشا كولەمى 970 مىڭ تەڭ­­گەگە دەيىن وسكەن. بۇل سو­ماعا بار­لىق زايم تۇرلەرى, ونىڭ ىشىن­دە يپو­تەكا­لىق قارىزدار دا قوسى­لىپ وتىر. سوندىقتان تەك قانا تۇتىنۋ­شىلىق نەسيەدە ادام باسىنا ورتاشا سوما 560 مىڭ تەڭگەگە جۋىقتايدى.

«نەسيەلەردىڭ جالپى ءوسىمى قازاق­ستان­دىقتاردىڭ قارجىلىق احۋالىنا قىسىم ءتۇسىرىپ وتىرعان جوق. مۇن­­داي قورىتىندى 12 مىڭنان استام رەسپوندەنت قاتىسقان ساۋالداما نەگىزىندە شىعارىلىپ وتىر. ولار­دىڭ 50 پا­يىزىندا نەسيە بويىن­شا اي سايىنعى تولەم جالپى شىعىننىڭ 20 پايىزىنان اسپايدى. قاتىسۋشىلاردىڭ ۇشتەن ءبىرى اي سايىنعى تولەمگە تابىسىنىڭ 15 پايىزىن عانا جۇمسايدى. رەسپون­دەنتتەردىڭ 54 پايىزى سوڭعى جارتى جىلدا نەسيە تولەۋ بويىنشا قانداي دا ءبىر قيىندىقتارعا تاپ بولماعانىن ايتادى. 36 پايىزى 30 كۇننەن اسپايتىن نەسيە تولەمىن كەشىكتىرىپ العان. تەك 10 پايىزى عانا قارىزدى تولىعىمەن وتەي العان» دەلىنگەن IDF Eurasia زەرتتەۋىندە.

زەرتتەۋ بارىسىندا قازاقستان­دىقتاردىڭ قارىز جۇكتەمەسىنىڭ باسىم بولىگىن يپوتەكالىق نەسيەلەۋ يەلەنىپ وتىرعانى دا انىقتالعان. رەسپوندەنتتەردىڭ 40 پايىزىندا يپوتەكا بار ەكەن. سونداي-اق تۇرمىستىق تەحنيكا, ءبىلىم جانە ساياحاتتاۋعا بايلانىستى تۇتىنۋشىلىق نەسيە ۇلەسى دە (45 پايىزىندا) جوعارى. تاعى 10 پا­يىز ازامات اۆتونەسيە بويىنشا قارىز تولەپ ءجۇر. تەك 5 پايىز قازاقستاندىق قانداي دا ءبىر نەسيە مىندەتتەمەسىنە يە ەمەس ەكەندىگىن مالىمدەگەن.

«قازاقستاندىقتار نەسيەگە وڭ كوز­قاراسپەن قارايدى. قاتىسۋشى­لار­دىڭ 60 پايىزى بانك قارىزى ولار ءۇشىن پايدالى جانە قولايلى قۇرال ەكەنىن ايتتى. تورتتەن بىرىندە تولەپ جاتقان نەسيە بار جانە ونى تولەپ بىتكەننەن كەيىن تاعى نەسيە رەسىمدەۋگە ق ۇلىقتى ەمەس. تولەنبەگەن زايمدارى جوق 10 پايىز رەسپوندەنت جاقىن ارادا ءىرى ساتىپ الۋعا بايلانىستى نەسيە رەسىمدەۋى مۇمكىن», دەلىنگەن ساراپتامادا.