ەلورداداعى تسيرك اۋماعىندا رۇقسات ەتىلگەن ميتينگ ءوتتى, دەپ حابارلايدى Egemen.kz.
رۇقسات ەتىلگەن ميتينگتى ۇيىمداستىرۋشىلاردىڭ ايتۋىنشا, شارانى وتكىزۋگە «سبەرمەن» جاسالعان كەلىسىم, قازاقستاندىقتاردىڭ الەۋمەتتىك جاعدايىن جاقسارتۋ ماسەلەلەرى سەبەپ بولعان.
اكتسيا كەزىندە ۇيىمداستىرۋشىلار مەن قاتىسۋشىلار تاراپىنان, سونداي-اق اكىمدىك پەن قۇقىق قورعاۋ ورگاندارى تاراپىنان بارلىق قاۋىپسىزدىك شارالارى ساقتالدى.
نۇر-سۇلتان قالاسىنىڭ اكىمدىگى ميتينگتىڭ تارتىپكە ساي ءوتۋى ءۇشىن قاجەتتى جاعدايلاردىڭ ءبارىن جاسادى. جەدەل جاردەم بريگاداسى مەن پوليتسيا قىزمەتكەرلەرى اكتسيا اۋماعىندا كەزەكشىلىك ەتتى. ولار اكتسيا ۇيىمداستىرۋشىلارىنىڭ جۇمىسىنا كەدەرگى كەلتىرمەدى. ءىس-شارا توسىن وقيعاسىز ءوتتى.
الدىمەن ۇيىمداستىرۋشىلار اكتسيانىڭ سەبەبىن ءتۇسىندىردى. وسىدان كەيىن قاتىسۋشىلاردىڭ ءبارى قازاقستان رەسپۋبليكاسىنىڭ ءانۇرانىن شىرقاپ, قالا تۇرعىندارى وزدەرىن تولعاندىرعان ماسەلەلەردى ورتاعا سالدى.
جالپى, رۇقسات ەتىلگەن ميتينگكە قاتىسۋشىلاردىڭ قاراسى كوپ بولعان جوق.