قر ۇلتتىق ەكونوميكا ءمينيسترى اسەت ەرعاليەۆ تۇرعىن ءۇي قۇرىلىسىنا جەكە ينۆەستيتسيالاردى تارتۋ تۋرالى ايتتى, دەپ حابارلايدى Egemen.kz.
«جايلى تۇرعىن ءۇي» جوباسى اياسىندا تۇرعىن ءۇي قۇرىلىسىنا 13,5 ترلن تەڭگە ينۆەستيتسيا تارتىلادى», دەدى اسەت ەرعاليەۆ وكق بريفينگىندە.
اتاپ ايتقاندا, 185,1 مىڭ ادام ءۇشىن جەكە تۇرعىن ءۇي قورىنان تۇرعىن ءۇيدى جالعا الۋ شىعىستارىن سۋبسيديالاۋ, 102,3 مىڭ بىرلىك الەۋمەتتىك جالعا بەرۋ جانە كرەديتتىك تۇرعىن ءۇي سالۋ, جۇمىس ىستەيتىن جاستار ءۇشىن 15 مىڭ بىرلىك تۇرعىن ءۇي سالۋ, سونداي-اق اۋىلدا 2,9 مىڭ جالعا بەرۋ ءۇيىن سالۋ بويىنشا جۇمىس بەرۋشىلەردىڭ شىعىندارىن سۋبسيديالاۋ كوزدەلگەن.
«جالپى, 103 ملن شارشى مەتر جاڭا تۇرعىن ءۇي پايدالانۋعا بەرىلەدى. 235 مىڭ جەكە تۇرعىن ءۇي قۇرىلىسىنا ارنالعان جەر ۋچاسكەلەرى ينجەنەرلىك-كوممۋنيكاتسيالىق ينفراقۇرىلىممەن قامتاماسىز ەتىلەدى», دەدى ۇلتتىق ەكونوميكا مينيسترلىگىنىڭ باسشىسى.