قىتاي شەكاراسىنان وتە الماي شارۋاسى تۇرالاپ قالعان وتاندىق تاۋار تاسىمالداۋشىلاردىڭ ماسەلەسى قالاي شەشىلىپ جاتقانى ايتىلدى, دەپ حابارلايدى Egemen.kz.
بۇل تۋرالى قر ساۋدا جانە ينتەگراتسيا ۆيتسە-ءمينيسترى ەرجان قازانباەۆ ايتتى.
«قىتايمەن شەكاراداعى جاعداي اسا ماڭىزدى. ءيا, ءبىز ماسەلەنىڭ بارىن كورىپ وتىرمىز. جانە ول كوروناۆيرۋسپەن بايلانىستى, پاندەميانىڭ سالدارىنان قىتاي شەكاراسىن جاۋىپ, تاۋار الماسۋدى توقتاتىپ تۇر. تاۋاردى شەكارادان وتە قاتاڭ تارتىپپەن وتكىزىپ جاتىر, وسى سەبەپتى تاسىمالداۋشىلار شەكارادا تۇرىپ قالۋدا. وسى ورايدا وتاندىق بيزنەسكە قولداۋ كورسەتىپ, شەكاراداعى ماسەلەنى شەشۋ ماقساتىندا ءبىز قىتايلىق سەرىكتەستەرمەن كەلىسىم جۇرگىزىپ جاتىرمىز. ياعني شەكارا ارقىلى تاۋار تاسىمالى پرەتسەسىن جەڭىلدۋ ءۇشىن. ىندەتتىڭ بەتى قايتپايىنشا قىتايدىڭ شەكاراسىن اشۋى ەكىتالاي», دەدى ەرجان قازانباەۆ.
ونىڭ ايتۋىنشا, ەپيدجاعداي رەتتەلسە قىتاي مەملەكەتى ءوز شەكاراسىن اشا باستايدى.
ايتا كەتسەك, ورتالىق كوممۋنيكاتسيالار قىزمەتىندە ورنىقتى ەكونوميكالىق ءوسۋ, وڭىرلەر مەن بيزنەستى دامىتۋ جونىندەگى ۇلتتىق جوبالاردى ىسكە اسىرۋ بارىسىنا ارنالعان ءباسپاسوز ءماسليحاتى ءوتىپ جاتىر.