3-4 قاراشا كۇندەرى قر پارلامەنتى سەناتىنىڭ دەپۋتاتتارى ەقىۇ پا 19-شى كۇزگى سەسسياسىنا ونلاين تۇردە قاتىستى. وندا ەقىۇ ايماعىنداعى قاۋىپسىزدىكتى قامتاماسىز ەتۋ ماسەلەلەرى قارالدى, دەپ حابارلايدى Egemen.kz قر پارلامەنتى سەناتىنىڭ ءباسپاسوز قىزمەتىنە سىلتەمە جاساپ.
سەنات توراعاسىنىڭ ورىنباسارى اسقار شاكىروۆ تۇراقتى كوميتەتتىڭ جۇمىسىنا قاتىستى, وندا ەقىۇ پا-نىڭ اعىمداعى قىزمەتى مەن حالىقارالىق كۇن تارتىبىندەگى وزەكتى ماسەلەلەر تالقىلاندى.
دەپۋتاتتار عۇمار دۇيسەمباەۆ پەن قايرات قوجامجاروۆ سەسسيا اياسىندا اۋعانستاندا قالىپتاسىپ وتىرعان احۋال تۇرعىسىنداعى قاۋىپسىزدىك تاقىرىبى بويىنشا پارلامەنتتىك كونفەرەنتسياعا قاتىستى. سەناتور اقمارال ءالنازاروۆا جەرورتا تەڭىزى فورۋمىنا قاتىستى, ونىڭ بارىسىندا ماعريب پەن تاياۋ شىعىس ەلدەرىندەگى قاۋىپسىزدىك پەن ىنتىماقتاستىقتى قولداۋ ماسەلەلەرى قارالدى.