بىزدە ءالى كۇنگە دەيىن مونوقالالاردى وركەندەتۋگە قاتىستى ناقتى ۇستانىم مەن ورتاق پىكىر جوق. بۇل تۋرالى ەكىباستۇز قالاسىنا جۇمىس ساپارى بارىسىندا قر پرەزيدەنتى قاسىم-جومارت توقاەۆ ايتتى, دەپ حابارلايدى Egemen.kz.
«مونوقالالاردىڭ ەكونوميكاسىن ءارتاراپتاندىرۋ ايرىقشا ماڭىزدى. باسقا دا سالالاردى دامىتىپ, جاڭا جۇمىس ورىندارىن اشۋ – اسا وزەكتى ماسەلە. بىزدە ءالى كۇنگە دەيىن مونوقالالاردى وركەندەتۋگە قاتىستى ناقتى ۇستانىم مەن ورتاق پىكىر جوق», دەپ كەلتىرىلگەن مەملەكەت باسشىسىنىڭ ءسوزى اقوردانىڭ Twitter-پاراقشاسىندا.
سونداي-اق ءمالىم ەتىلگەندەي, پرەمەر-ءمينيستردىڭ ورىنباسارى رومان سكليار ەلىمىزدەگى مونوقالالاردى دامىتۋ بويىنشا بايانداما جاسادى.
ال مونوقالالاردى الەۋمەتتىك-ەكونوميكالىق دامىتۋ ىسىندە «سامۇرىق-قازىنا» قورى كومپانيالارىنىڭ ءرولى تۋرالى الماسادام ساتقاليەۆ جەتكىزدى.