«ەلشىنىڭ جازباسىنان» كىتابى جارىق كوردى

اكادەميك يكرام ادىر­بەكوۆ بىرنەشە جىل ەۋروپا مەن ازيانىڭ كوپتەگەن مەملە­كەتىندە قازاقستان رەسپۋب­ليكاسىنىڭ ەلشىسى قىزمەتىن اتقارعان. تاۋەلسىزدىك العان­نان كەيىن قازاقستاندا ديپلو­ما­تيالىق قارىم-قاتىناس­تاردىڭ پايدا بولۋىنىڭ كۋاگەرى مەن تىكەلەي قاتىسۋشىسى بولدى.

اۆتوردىڭ ايتۋىنشا, «ەل­شىنىڭ جازباسىنان» اتتى كى­تابىندا ەلشىلىك قىزمەت كە­زەڭدەرىندە ءوزى كۋا بولعان, تىكە­لەي قاتىسقان ءتۇرلى شارا مەن ماڭىزدى كەزدەسۋدىڭ پروتوكولدان تىس قالعان جايتتارى مەن قىزىقتى وقيعالارى باياندالادى. سونىمەن قاتار ەلشى قىزمەتىن اتقارعان مەم­لەكەتتەردەگى ءتۇرلى سالادا جۇرگىزىلگەن وزىق رەفورمالار مەن تاجىريبەلەر تۋرالى زەرتتەۋلەرى, وتكەن ءومىر جولى سۋرەتتەلگەن.

ء«بىزدىڭ باسىمىزدى بى­رىكتىرگەن تاۋەلسىزدىك. ونىڭ جولىندا قانشاما ازاماتى­مىز كۇرەستى. ەل بولىپ ەتە­گىمىزدى جيعالى ءبىراز دۇنيە اتقا­رىلدى. تاۋەلسىزدىك العان جىلدارى ءبىز ەلباسى نۇرسۇلتان نازارباەۆتىڭ قا­سىنان تابىلدىق. ەلباسىنىڭ سول كەزدەگى ەل بولاشاعى ءۇشىن قابىلداعان باستى شەشىمدەرىنىڭ كۋاسى بولدىق. مىنە, بۇگىنگى زالدا سول زاماندا ەل ءۇشىن ەڭبەك ەتكەن جاندار وتىر. سونىڭ ءبىرى باۋىرىمىز يكرام ادىربەكوۆ تە بار. ارىپتەسىمىز قىزمەتى تۋرالى كۇندەلىك جازىپ شى­عىپتى. ءوزىمىز دە كەزىندە ەلشى بولعاندىقتان كۇندەلىك جازۋ ءداستۇرى تانىس جانە كۇندەلىك جازعان دۇرىس. كىتاپتى قاراپ شىقتىم, بارعان ەلدەردىڭ با­رىمەن قارىم-قاتىناسى جاقسى, سىيلى ازامات بولىپتى. بۇل دەگەنىمىز – ەلىمىزدىڭ مەرەيى», دەدى مەملەكەت جانە قو­عام قاي­راتكەرى مىرزاتاي جول­­داسبەكوۆ تۇساۋكەسەر راسى­مىندە.

كىتاپ قالىڭ وقىرمانعا, ديپلوماتتار مەن جاستارعا ۇسى­نىلادى.

تۇساۋكەسەر قازاقستان تا­ۋەلسىزدىگىنىڭ 30 جىلدىعى ايا­سىندا وتكىزىلدى. وعان قازاق­ستاننىڭ بەلگىلى مەملەكەت جانە قوعام قايراتكەرلەرى, قازاقستان رەسپۋبليكاسى سەناتورلار كەڭەسىنىڭ مۇشەلەرى, دەپۋتاتتار, شەت مەملەكەتتەردىڭ ديپلوماتيالىق وكىلدىكتەرىنىڭ وكىلدەرى, ل.ن.گۋميلەۆ اتىن­داعى ەۋرازيا ۇلتتىق ۋنيۆەر­سيتەتىنىڭ پروفەسسورلارى مەن وقىتۋشىلارى, نۇر-سۇلتان قا­لا­سىنداعى جوعارى وقۋ ورىن­دارىنىڭ ستۋدەنتتەرى قاتىستى.