اتاجۇرتتاعى باسقوسۋ قانداستاردى شەكسىز قۋانىشقا بولەدى

شەتەلدەگى قانداستارىمىزدى قازاق­­ستاننىڭ تاريحي ءارى كورنەكتى جەرلە­­رى­مەن تانىستىرۋدى ماقسات ەتكەن «كيە­لى قازاقستان» جوباسى اياسىنداعى باس­قو­سۋ وسىعان دەيىن 3 رەت وتكىزىلىپتى. اتاپ ايتساق, قانداستارىمىز 2018 جى­لى كيەلى تۇركىستاندا, 2019 جىلى ماڭ­عىستاۋ وبلىسىندا, ال 2020 جىلى شىم­كەنت جانە تۇركىستان قالا­لارىندا باس قوسقان. بيىل اتالعان شارا 11-14 قا­زان ارالىعىندا الماتى قالاسى مەن الماتى وبلىسىندا ءوتتى.

جاستار «ەسىك» مەملەكەتتىك تاري­حي-مادەني قورىق مۇراجايىندا بولىپ, «شارىن» مەملە­كەتتىك ۇلتتىق تا­بيعي پاركىندە سە­رۋەن­دەپ, كولساي مەن قايىڭدى كولدە­رىنىڭ كوركىنە تامسانىپ قايتتى. الماتى وب­لى­سىنداعى كورىكتى ورىنداردى ارالاپ بول­عاننان كەيىن, الماتى شاھارىمەن دە تانىستى. رايىمبەك باتىر كەسەنەسىن كو­رىپ, رەسپۋبليكا الاڭىنا باردى.

«وتانداستار قورى» پرەزيدەنتىنىڭ كەڭەسشىسى بولات ديداردىڭ ايتۋىنشا, بيىل حالىقارالىق دەڭگەيدەگى كەزدەسۋگە تۇركيا, جاپونيا, قىتاي, رەسەي, يران, وزبەكستان, موڭعوليا ەلدەرىنەن 21 قان­دا­سىمىز كەلگەن. «4 كۇندىك ەكسكۋرسيا بارىسىندا قوناقتاردى الماتى قالاسى مەن الماتى وبلىسىنداعى تۋريستىك ورىندارعا, تابيعاتىنا كوز سۇيسىنەر مەكەندەرگە الىپ بارۋعا تىرىستىق. سوندىقتان ءبىزدىڭ تاڭداۋىمىز وبلىس بويىنشا «ەسىك» مەملەكەتتىك تاريحي-مادەني قورىق مۇراجايى مەن «شارىن» مەملەكەتتىك ۇلتتىق تابيعي پاركىنە, قا­يىڭدى مەن كولساي كولدەرىنە ءتۇستى. جاستارعا اتا قونىسىنىڭ تۇمسا تابي­عاتىن كورسەتىپ, تاريحىن تۇسىندىرە ال­دىق دەپ سەنەمىز», دەيدى ول.

قاتىسۋشىلاردىڭ قاتارىندا قازاق­ستانعا العاش رەت كەلگەن جاستار دا بار. ولار ءوز سەزىمدەرى مەن العان اسەرلەرىن جەتكىزدى.

– مەن تۇركيانىڭ ىستانبۇل قالا­سىنان كەلگەن وزدەرىڭىزدىڭ ورحۋن باۋىر­لا­رىڭىز بولامىن. ءوزىم – تۇركيادا تۋىپ-وسكەن قازاق بالاسىمىن. وسى جوبا ارقىلى وتانىما, اتامەكەنىمە كەل­گە­نىمە وتە قۋانىشتىمىن! بۇل مەنىڭ قازاقستانعا العاش كەلۋىم. زامان­داستارىم, وتانداستارىم دۇنيەنىڭ تۇك­پىر-تۇكپىرىنەن كەلگەن ەكەن... باسقوسۋ بارى­سىندا ارقايسىسىمىز «ەلىمىزگە نە بەرە الامىز؟ قانداي قىزمەت ەتەمىز؟» دەگەن سۇراقتىڭ جاۋابىن ىزدەدىك. ءبىز وسى مەكەننىڭ بالاسىمىز. الداعى ۋاقىتتا ەلگە قايتۋدى جوسپارلايمىز, – دەدى ىستانبۇلداعى قازاق جاستارىنىڭ كوشباسشىسى ورحۋن اكداگ.

ال توكيو قالاسىندا تۇراتىن جا­دىرا سەمبىقىزى «كيەلى قازاقستان» جوبا­سىنا قاتىسىپ جاتقانىنا وتە قۋا­­نىشتى ەكەنىن ايتا كەلىپ, «بىزگە وسىن­­داي مۇمكىندىك جاساعان قازاقستان مەم­لەكەتىنە, «وتانداستار قورىنا» العى­سىم شەكسىز. جوبا اياسىندا كوزبەن كورگەن كەرەمەت جەرلەر مەنىڭ وتانى­ما دەگەن ماحابباتىمدى ودان سايىن ارتتىردى. قازاقتىڭ كيەلى جەرلەرى كوپ. جاپونيا تۇرعىندارى تابيعاتتى قورعاۋ دەگەنگە اسقان جاۋاپكەرشى­لىك­پەن قارايدى. ءبىزدىڭ دە وسىنداي ادە­مى تابيعاتىمىز, كوركەم جەرلەرىمىز لايىقتى قورعالسا دەيمىن. سەبەبى بۇل ۇرپاقتان-ۇرپاققا قالاتىن اتامەكەن, امانات. بولاشاقتا مەن دە قازاقستاننىڭ دامۋىنا, ءوسىپ-وركەن­دەۋىنە ءوز ۇلەسىمدى قوسۋعا نيەتتىمىن. مەن ەلگە كوپ كەشىكپەي ورالامىن»,  دەپ اعى­نان جارىلدى.

ايتا كەتەيىك, جوبا اياسىندا ۇيىم­داس­تىرىلعان دوڭگەلەك ۇستەلدە قازاق جاس­تارى ءبىلىم, مادەنيەت پەن سپورت باعى­تىنداعى ءوز ويلارىمەن ءبولىسىپ, يدەيا­لارىن ورتاعا سالدى. ال مەرەكەلىك كەش­كى اس كەزىندە ۇلتتىق تاعامداردان ءدام تاتىپ, قازاقتىڭ ءان-كۇيلەرىن ورىنداپ, «قارا جورعاعا» بيلەپ, ءبىر-بىرىمەن جاقىنىراق تانىستى.

جوبا قاتىسۋشىلارى شەتەلدە تۇرا­تىن ءبىلىمدى, تالانتتى جانە ونەرلى جاس­تار. ماسەلەن, تۇركيادان كەلگەن قان­دا­سىمىز ورحۋن اكداگ ىستانبۇل قالاسىن­داعى جاستار ۇيىمىنىڭ باسشىسى, اليا كارباەۆا مەن ءسۇيىنىش حاسەنوۆ ومبىنىڭ, ايدانا مىرزاگۋلوۆا ورىن­بوردىڭ, جادىرا سەمباي جاپونيانىڭ, مەرەكە بورانباەۆ پەن سۇندەت يسرايلوۆ وزبەكستاننىڭ قازاقتارى جانە ولار وزدەرى تۇرىپ جاتقان ەلدەگى جاستار ۇيىم­دارىنىڭ بەلسەندىلەرى.

«وتانداستار قورى» جانە Jas Qazaq جاستار ۇيىمى جىل بويى ءتۇرلى باي­قاۋلار ۇيىمداستىرىپ, ونىڭ جە­ڭىم­پازدارى­نا «كيەلى قازاقستان» جو­با­سىنا جولدا­ما بەرگەن بولاتىن. بال­جان رزاحمەتو­ۆا Level Up باي­قاۋى­نىڭ, ايبولات بازار­بەك شاحمات ءتۋر­نيرىنىڭ, ەرحۋلان جانات كيبەرسپورت ءتۋرنيرىنىڭ, تەمىرحان سەرگازيەۆ پەن ازامات جۇسىپقاليەۆ پىكىرسايىس تۋرنيرلەرىنىڭ جەڭىمپازى اتانىپ, جوبا قاتىسۋعا مۇمكىندىك الدى.

جوبا قاتىسۋشىلارىنىڭ اراسىندا قازاقستاندىق جوعارى وقۋ ورىندارىندا ءبىلىم الىپ جاتقان قانداس ستۋدەنتتەر, ولاردىڭ ىشىندە جاس IT مامان, جۋرناليست, مۋزىكانتتار مەن بەلسەندى بلوگەرلەر, ماگيسترانتار بار.

ۇيىمداستىرۋشىلاردىڭ ايتۋىنشا, جوبانىڭ ماقساتى – شەتەلدە تۋىپ-وسكەن, تاريحي وتانى قازاقستاندا بۇرىن-سوڭدى بولماعان وتانداستارىمىزعا ەلىمىزدىڭ كيەلى جەرلەرىنە بارۋعا مۇمكىندىك بەرۋ. وسى ارقىلى ۇلتىمىزدىڭ تاريحىمەن, قازىرگى قالىپتاسقان جاعدايىمەن تانىستىرا وتىرىپ, ولاردىڭ بويىندا اتامەكەنگە دەگەن ماحابباتىن ارتتىرۋ. ولار الەۋمەتتىك جەلىلەر ارقىلى قازاق­ستاننىڭ كەز كەلگەن جەرىن كورۋى مۇمكىن. الايدا سول جەرلەرگە بارۋ مۇم­كىندىگى بارلىعىنا بەرىلمەيدى. وسى ورايدا «كيەلى قازاقستان» جوباسىنىڭ الەۋ­مەتتىك-رۋحاني ماڭىزىن ەرەكشە اتاپ وتكەن ءجون.