بيىلعى جىلدىڭ 4-قاراشاسىندا وپەك + كەزەكتى وتىرىسى وتەدى, دەپ حابارلايدى Egemen.kz قر ەنەرگەتيكا مينيسترلىگىنىڭ ءباسپاسوز قىزمەتىنە سىلتەمە جاساپ.
ءباسپاسوز قىزمەتىنىڭ مالىمەتتەرىنە قاراعاندا, قازىرگى تاڭدا الەمدىك ەكونوميكانىڭ قالپىنا كەلە باستاعانى بايقالىپ وتىر جانە ەنەرگيا رەسۋرستارىنا دەگەن سۇرانىس ارتىپ كەلەدى. سۇرانىس پەن ۇسىنىس تەڭگەرىمىنە قول جەتكىزۋدىڭ ارقاسىندا مۇناي قورلارىن ورتاشا بەس جىلدىق دەڭگەيگە دەيىن تومەندەتۋگە, مۇناي نارىعىن تۇراقتاندىرۋعا قول جەتكىزىلدى.
«قازاقستان بۇرىن قابىلدانعان شەشىمدەرگە سايكەس مۇناي ءوندىرۋدى كەزەڭ-كەزەڭىمەن ۇلعايتۋدى جالعاستىرۋعا قاتىستى كەلىسىمگە قاتىسۋشى ەلدەردىڭ ۇستانىمىن قولدايدى. بۇل ءتاسىل مۇناي نارىعىنىڭ ءوسىپ كەلە جاتقان قاجەتتىلىكتەرى مەن تۇراقتىلىعىن جەتكىلىكتى كولەمدە قامتاماسىز ەتۋگە مۇمكىندىك بەرەدى», دەلىنگەن حابارلامادا.
ەستەرىڭىزگە سالا كەتەيىك, مۇناي ءوندىرۋدى اي سايىن تاۋلىگىنە 400 مىڭ باررەلگە ۇلعايتۋ تۋرالى شەشىم وپەك+ مينيسترلىك كەزدەسۋىندە 2021 جىلعى 18 شىلدەدە قابىلدانعان بولاتىن.