تىنىشتىق دەگەن اۋعانستاننان الىستاپ كەتكەن بە دەرسىڭ. كابۋلداعى اۋرۋحانادا جويقىن جارىلىس بولدى, دەپ حابارلايدى Egemen.kz.
لاڭكەستىك شابۋىل دەنساۋلىق ساقتاۋ مينيسترلىگىنىڭ جانىندا ورنالاسقان 400 ورىندىق اۋرۋحانادا بولعان. بۇدان سوڭ اسكەري اۋرۋحانادا جارىلىس قايتالانعان.
تامىز ايىندا تالىپتەر ءىرى قالالاردى باسىپ العان سوڭ 20 جىل بويى جالعاسقان سوعىستىڭ اياقتالعانىن مالىمدەگەن. ءتىپتى قىركۇيەك ايىندا جاڭا ۇكىمەت تە قۇرىلعان بولاتىن.
قالاي بولعاندا دا اۋعانستاننىڭ اسپانىن قاۋىپتىڭ قارا بۇلتى تورلاپ العانداي. قازان ايىندا كابۋل مەشىتىنىڭ ماڭىندا بولعان جارىلىستان 12 ادام كوز جۇمىپ, 32 ادام جارالانعان ەدى. سول ايدا مەشىتتەردە تاعى ەكى رەت جارىلىس ورىن العان. كانداگار پروۆينتسيالارىندا 42, قۇندىزدا 120 ادام مەرت بولعانى جايلى دا اقپارات تاراعان. الايدا, سول وقيعالارعا قاتىستى جاۋاپكەرشىلىكتى ءالى كۇنگە ەشبىر ۇيىم ءوز موينىنا العان جوق.