ادىلەت مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن جانە «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-مەن بىرلەسىپ, وسى جىلدىڭ قاراشا ايىندا ۇيدەن شىقپاي قۇرىلىس سالۋشىدان ونلاين فورماتتا پاتەر ساتىپ الۋعا مۇمكىندىك بەرەتىن «تسيفرلىق يپوتەكا» پيلوتتىق جوباسىن ىسكە قوسادى, دەپ حابارلايدى Egemen.kz.
مينيسترلىكتىڭ حابارلاۋىنشا, بۇل پروتسەسس قۇرىلىس سالۋشىنىڭ پلاتفورماسىن جانە ەكىنشى دەڭگەيدەگى بانكتەردىڭ اقپاراتتىق جۇيەلەرىن ينتەگراتسيالاۋ ارقىلى قۇرىلىس سالۋشىنىڭ سايتىندا تۇرعىن ءۇي تاڭداۋدى, يپوتەكا الۋدى اۆتوماتتى تەكسەرۋىن قامتيدى.
«يپوتەكانى ماقۇلداعاننان كەيىن, كەپىل شارتى جانە ساتىپ الۋ-ساتۋ شارتىن رەسىمدەۋ اۆتوماتتى تۇردە جۇرگىزىلەدى, مامىلە تاراپتارىمەن قول قويىلادى جانە «جىلجىمايتىن م ۇلىك تىركەلىمى» مەملەكەتتىك دەرەكتەر قورىنا تىركەۋگە ونلاين فورماتتا جىبەرىلەدى.
تىركەۋ جۇرگىزىلگەنى تۋرالى حابارلاما قۇرىلىس سالۋشىنىڭ سايتىنداعى ءوتىنىش بەرۋشىنىڭ جەكە كابينەتىنە جىبەرىلەدى», دەلىنگەن ادىلەت مينيسترلىگى حابارلاماسىندا.