قوستاناي اۆتوزاۋىتىندا 150 مىڭ كولىك شىعارىلدى

مەرەيتويلىق اۆتوكولىك قازاق­ستاندىقتار اراسىندا كەڭ سۇرا­نىسقا يە, قازاقستاننىڭ اۆتوموبيل نارىعىندا كوشباسشى بولىپ تۇر­عان Chevrolet Nexia مودەلىنە تۋرا كەلدى. ماسەلەن, بيىلعى ءۇش توق­ساندا كولىكتىڭ وسى تۇرىنەن 9 مىڭ­نان استام اۆتوموبيل ساتىلدى.

2021 جىلدىڭ توعىز ايدا «سارىارقااۆتوپروم» 38 مىڭنان استام اۆتوموبيل شىعاردى, بۇل وتكەن جىلدىڭ وسى كەزەڭىمەن سالىستىرعاندا 147%-عا ارتىق. پاندەمياعا قاراماس­تان, اۆتوزاۋىت جىلىنا 60 مىڭ اۆتو­كولىك شىعارىپ كەلەدى.

قوستاناي زاۋىتى بۇگىنگى تاڭدا JAC, Chevrolet, Kia, Renault, Lada, SAZ برەندتەردىڭ ونىمدەرىن شىعارادى.

ەلدىڭ ىشكى نارىعىن قامتۋمەن قاتار, بيىل وتاندىق ءوندىرىستىڭ 5 مىڭ­نان استام كولىگى رەسەي فەدە­را­تسيا­سىنا, قىرعىزستان, وز­بەك­ستان, ازەربايجان مەن بەلارۋس رەس­پۋب­ليكالارىنا ەكس­پورت­قا جىبەرىلدى.

كاسىپورىننىڭ تابىستارى مەن جەتىستىكتەرى – زاۋىت ۇجىمىنىڭ كاسىبي شەبەرلىگى مەن قاجىرلى ەڭبەگىنىڭ جەمىسى. قوستاناي زاۋىتىندا 1800-دەن استام ادام جۇمىس ىستەيدى, ولاردىڭ SAP University-دە تۇراقتى نەگىزدە وقۋ جانە بىلىكتىلىگىن ارتتىرۋ مۇمكىندىگى بار.